Utakapojua Hujui Ndipo Utakapojua

Jasho letu na vipato vyetu

2012-02-02T18:59:00.001+03:00

Picha inazungumza yenyewe. Nimeipata mahali, nikasema ngoja niiweke.

Dk. Slaa akutana na JK

2012-01-21T21:48:00.002+03:00

LEO jioni, Dr. Willibrod Slaa amekutana na Rais Jakaya Kikwete katika Ikulu ya Magogoni, kwa wito wa rais ili kueleza chama hicho hatua alizochukua baada ya mkutano wa na ujumbe wa Chadema mwaka jana. Maelezo zaidi baadaye.

Regia Mtema afariki dunia

2012-01-14T13:06:00.003+03:00

. Habari mbaya zilizoifikia blogu hii ni kwamba Mbunge wa Viti Maalumu kutoka Kilombero (Chadema), Regia Mtema, pichani, amefariki dunia leo muda mfupi uliopita, katika ajali ya gari iliyotokea maeneo ya Ruvu. Taarifa zaidi zitafuata baadaye. Mungu amlaze pema peponi!

Goli la kizembe, na la kifundi

2012-01-14T12:21:00.004+03:00

1. Huu ni uzembe wa golikipa. 2. Na huu hapa ni umahiri wa mfungaji - HENRY.

Goli la ajabu

2011-07-18T21:40:00.001+03:00

Unalionaje goli hili la penalti ya kisigino?

Ufsiadi wa nguzo ya umeme

2011-07-18T13:42:00.002+03:00

Kwa jinsi hii mgawo utaisha?

Obama azungumzia kifo cha Osama

2011-05-02T13:11:00.004+03:00

Nukuu ya leo kutoka kwa Rais Barack Obama wa Marekani: "Hatupigani vita dhidi ya Uislamu kwa sababu Bin Laden si kiongozi wa Uislamu... na ameua maelfu ya Waislamu." Sikiliza hotuba ya Rais Obama, akitangaza kifo cha Osama Bin Laden..

Na licha ya makundi ya watu kudai kwamba Marekani inasema uwongo, haijamuua Osama, mtandao wake wenyewe, Al-qaeda, umekiri kwamba bosi wao kafa.

Mbowe Shinyanga, mabango ya wananchi Bunda

2011-02-28T19:02:00.001+03:00

Chadema katika picha kwa Mwalimu Nyerere

2011-02-27T22:25:00.005+03:00

Ni kweli! Tatizo si Dowans, ni serikali

2011-02-23T14:08:00.004+03:00

Kwa wanaofuatilia mjadala kuhusu Dowans wiki hii, ndugu yangu Absalom Kibanda ameandika kwenye bidii baada ya kusoma maoni yangu na ya Kitila Mkumbo. Sisi tumesema mwenye tatizo si Dowans bali watawala wetu na washauri wao; maana tunaweza kujikuta tunaacha kupamabana na waliotusababishia matatizo, tunabaki kukabana koo na wawekezaji ambao wameletwa tu - na wao wanatafuta kila upenyo wa kibiashara. Kibanda amefafanua vizuri zaidi hoja hii, nami nikaona niwawekee wasomaji wa blogu hii. Ameandika hivi:

"Kitila/Ansbert

Nimewaelewa, mmetufikirisha. Tunamuacha adui na kumshambulia mhanga. Hiyo ndiyo siri ambayo Kikwete na serikali yake wanaificha. Wanatambua kwamba wao ndiyo wenye makosa, wanatambua kwamba makosa waliyofanya katika mkataba wa Richmond ndiyo yaliyotufikisha hapa tulipo leo. Leo hii wanashangilia chini chini na waziwazi wanapoona waandishi wa habari, wanazuoni na wachambuzi wa mambo wakielekeza mashambulizi yao kwa Dowans wakati ukweli ukiwa bayana kwamba tunaopaswa kuwawajibisha ni viongozi wetu serikalini ambao wameitumia sekta ya nishati na madini kama mtaji wa mapato yao haramu.

Hivi nani hajui kuwa ufisadi kupitia mikataba ya IPTL na Songas ni wa kutisha kuliko ilivyo kwa Dowans. Hivi Watanzania wangapi wanajua kwamba fedha ambazo Taifa hili lilikopwa na Benki ya Dunia tena kwa riba ndizo tuliipa kampuni iliyoanza uwekezaji wa Songas kuwekeza kama mtaji wake wa asilimia 100 halafu baada ya sisi kuwapa mtaji huo kampuni hiyo ikafanikisha uwekezaji huo haramu na leo wanatuuzia umeme na deni la WB tunalipa.

Nani amesahau uharamia wa IPTL ambao ulikaribia kumpokonya maisha (Patrick) Rutabanzibwa aliyejaribu kupinga uwekezaji wake? Nani anaikumbuka ile story ya The Ugly Malaysians iliyoandikwa kueleza siri ya ufisadi wa kutisha ndani ya IPTL. Nani hajui kwamba gharama ambazo serikali inatumia kuigharamia IPTL kwa mwezi mmoja zinaendesha mitambo ya Dowans kwa miezi minne?

Hivi kama tungekuwa tumewekeza katika sekta ya nishati ipasavyo tulikuwa na sababu ya kuwaita wawekezaji wa msimu wa aina ya Dowans, IPTL na Songas? Ni serikali gani kama si hizi za CCM ambazo ndizo zimetufikisha hapa?

Hivi Kikwete ambaye alikaa katika Wizara ya Nishati na Madini kwa miaka mingi akiwa Naibu Waziri na Waziri kamili alifanya nini cha maana kulinusuru taifa na matatizo ya leo? Kama alishindwa akiwa katika wizara mama ataweza akiwa rais? Kwa nini hatulishangai hilo?

Kwa nini hatujiulizi? Iweje akiwa Ikulu ameshindwa kubaini mianya ya ufisadi katika umeme wa dharura wakati yeye mwenyewe akiwa ndiye aliye na siri nzito kuhusu kuwapo kwa IPTL hapa nchini? Mbona viongozi wetu wanatumia wepesi wa Watanzania kusahau kwa manufaa yao?

Ni kwa sababu ya jeuri hiyo ndiyo maana leo anadiriki kusema hawafahamu wamiliki wa Dowans. Ni kwa sababu hiyo ndiyo maana ni yeye aliyewapa baraka AG (Frederick) Werema na (Waziri wa Nishati na Madini) William Ngeleja kutamka kwamba tutawalipa Dowans na baada ya akina Sitta, Mwakyembe na wanaharakati wengine kuibuka na kumtisha akageuka na kusema eti naye ni mmoja wa watu ambao hawapendi Dowans walipwe.

Ni yeye aliwapa baraka awali akina Dk. Idris Rashid na Ngeleja za kutaka serikali inunue mitambo hiyo ya Dowans na halafu joto lilipozidi kupinga msimamo huo akageuka na kusema eti uamuzi wao wa kuachana na nia yao ya kuinunua ilikuwa ni wa kusoma alama za nyakati. Je ni haki kumuacha huyu na serikali yake salama na kumshambulia Adawi na Dowans yake? Tunapaswa kufikiri upya.

Ndiyo maana baadhi yetu tunachelea kuiunga mkono CCM na serikali yake. ndiyo maana huwa nawashangaa baadhi ya viongozi wa upinzani wanapohadaika na kuwaunga mkono wahuni kadhaa wa ndani ya CCM wanaojifanya wazalendo wakati rekodi zilizo wazo zikithibitisha pasipo shaka kwamba hao ni maruhani wanaoifanyia kazi CCM kwa staili ya kuuhadaa umma."

Adawi apigwa picha

2011-02-22T20:46:00.005+03:00

BAADA ya sokomoko la juzi la Brig. Jenerali Sulaiman Mohammed Yahya Al-Adawi kukataa kupigwa picha, leo "zimefanyika njama kinamna" dhidi yake, akapigwa picha bila kujua alipokuwa anatembelea mitambo yake ya Dowans Ubungo, Dar es Salaam. Ndiye huyu hapa! Na baada tu ya ziara yake hiyo, akaelekea uwanja wa ndege kupanda pipa kurudi makwao Oman. Hata hivyo, kabla ya tukio hilo la Ubungo, Adawi alimtembelea Makamu wa Rais Dk. Gharib Bilal, Ikulu, na akiwa ofisini kwa makamu wa rais, alikataa katakata kupigwa picha yoyote kama alivyowagomea waandishi juzi.

Mmiliki wa Dowans yuko Bongo

2011-02-20T16:55:00.007+03:00

Mmiliki wa Dowans, Brigedia Jenerali (Mstaafu) Sulaiman Mohammed Yahya Al Adawi, anayeishi Oman, ametua nchini na kuzungumza na vyombo vya habari katika hoteli ya Kilimanjaro Kempinski, Dar es Salaam. Akiwa na wakurugenzi wawili Stanley Munai na John Miles, alisema amelazimika kuja kwa sababu amesikia watu wanadai hawamjui mmiliki wa Dowans, na kwamba wanawadhania baadhi ya Watanzania kuwa ndio wamiliki wa Dowans. Akasema: "Mimi ndiye mmiliki wa Dowans."

Akasema si kawaida yake kuzungumza na vyombo vya habari, na kwamba hataki kupigwa picha yoyote, kwa sababu yeye ni mfanyabiashara asiyependa makuu na asiye na makeke. Akasema amewekeza katika nchi 12 duniani, na kwamba katika zote hizo anawakilishwa na rafiki zake; na kwamba hapa nchini aliletwa na Rostam Aziz mwaka 2005 kwa ajili ya mradi wa Fibre Optic.

Katika hili la sasa, alisema amekuja kujadiliana na Tanesco juu ya hatima bora ya kibiashara kwake na fursa ya umeme kwa Watanzania, katika mazingira ya sasa ya mkataba unaodaiwa kuwa na utata, na deni la bilioni 94 analoidai Tanesco baada ya Dowans kuwashinda Tanesco mahakamani. Alizungumza kwa Kiingereza, na nimeweza kunukuu baadhi ya kauli zake moja kwa moja alipokuwa akijibu baadhi ya maswali na hoja za waandishi. Hizi hapa:

1. “I am here to find a happy resolution, a business decision. I am ready to offer something nice to Tanesco if it works out.”

2. “I don’t want to be known. I am a low-profile businessman. I walk free here in Dar es Salaam, and no one knows I own Dowans.”

3. “Rostam Azizi is a friend of mine. He invited me to come and invest here, but he didn’t put in any cent in the project.”

4. “I have businesses in 12 countries allover the world. I can’t go and represent myself in every country. That’s why I gave Rostam power of attorney.”

5. “We have not been tarnished, but we have been mixed up with something else (Richmond)”

6. “I do not need to be cleared by anyone; my electricity here will clear me.”

Kikwete anawajua Dowans

2011-02-11T12:41:00.002+03:00

HOJA yangu ni kwamba Rais Jakaya Kikwete na serikali yake wanawajua Dowans kabla hata hawajarithi mkataba wa Richmond. Wanajua kuwa wanasheria wetu ndio walioandika mkataba huo; ndio waliotushauri kuuvunja; na ndio waliotutetea tukashindwa. Kauli ya sasa ya Rais Kikwete kwamba hawajui Dowans ni ya kujikosha, na ya kisaliti kama ya Mtume Petro, mbele ya kijakazi, dhidi ya Yesu. Blogu hii inajua kuwa Rais Kikwete alishiriki kuwabeba wawekezaji hao, hasa baada ya matatizo yaliyosababishwa na Richmond. Na blogu hii inajua kuwa Rais Kikwete anataka Dowans walipwe pesa zao, lakini anakosa ujasiri kwa sababu za kisiasa. SOMA Maswali Magumu hapa.

Mkanganyiko wa risasi za moto dhidi ya raia Arusha

2011-01-07T13:15:00.003+03:00

KATIKA taarifa ya jana, Polisi Mkoani Arusha walisema wameua watu wawili tu; baadhi ya vyombo vya habari, kikiwamo BBC, vikadai wamekufa watu wapatao 10. Polisi wakadai walipiga risasi watu sita (6) tu, lakini viongozi wa Chadema walipoachiwa na mahakama wakaenda kutembelea majeruhi hospitalini, walikuta wananchi wapatao 38 wote wana majeraha ya risasi. Chadema wakaunda kamati ya kuwahudumia majeruhi hao. Sasa inadaiwa polisi wamekula njama na uongozi wa hospitali hiyo ya Mount Meru, wamewatorosha majeruhi hao, hawajulikani walikopelekwa, ili kuficha ukweli kuhusu idadi ya waliojeruhiwa kwa risasa. Viongozi wa Chadema wanaendelea kufuatilia. Tusipochunga, taratibu, Tanzania itageuka Police State!

Ajabu ni kwamba Polisi hawajawakamata polisi hao walioua raia; badala yake wanawakamata raia waliokuwa wanatembea kwa miguu (wanaandamana sio?) kuelekea mkutanoni.

Elimu yetu kikwazo kwa Tanzania tuitakayo

2010-12-04T06:33:00.002+03:00

ASASI binafsi inayoitwa UWEZO Tanzania, Mei mwaka (2010) huu ilifanya utafiti juu ya maendeleo ya elimu katika vijiji 1,140 kwenye wilaya 38, ikahoji watoto 42,033 wa shule za msingi, wenye umri kati ya miaka mitano (5) na 16, katika kaya 22,800. Matokeo ya utafiti huo, ambayo yalitangazwa rasmi Septemba 2010, kwa kifupi, yaliibua masuala yafuatayo:

1. Katika watoto watano wanaohitimu elimu elimu ya msingi (Darasa la Saba), mmoja anaweza hawezi kusoma Kiswahii cha darasa la pili.
2. Nusu ya watoto wanaohitimu Elimu ya Msingi (Darasa la Saba) hawawezi kusoma Kiingereza.
3. Katika watoto 10 wanaohitimu darasa la Saba, watatu hawawezi kufanya hesabu (hisabati) ya darasa la pili.
4. Asilimia 70 ya wanafunzi wa shule za msingi hawajui kusoma Kiswahili kwa ufasaha.
5. Hadi darasa la tatu, watoto saba kati ya 10 hawawezi kusoma Kiswahili cha msingi.
6. Watoto tisa kati ya 10 hawawezi kusoma Kiingereza cha msingi.
7. Watoto wanane kati ya 10 hawawezi kufanya hisabati za msingi.

Jambo la kukumbuka: Elimu ya Msingi ndiyo msingi wa maisha ya kila Mtanzania. Bila msingi huu, mtoto hawezi kusonga mbele kupata elimu ya sekondari au ya chuo kikuu. Hata asipoipata ya sekondari, hataweza kujiwezesha kwa lolote kwa sababu hatakuwa na stadi muhimu za kukabiliana na maisha yake pale alipo. Kumbuka kuwa Watanzania walio wengi wana elimu ya Darasa la Saba.

Maswali muhimu: Je, kwa kiwango hiki cha elimu, serikali inawatendea haki watoto wetu? Kwa elimu hii, tutaweza kujikomboa kutoka kwenye umaskini? Je, elimu hii itatuwezesha kushindana na kukabiliana na changamoto za kimataifa? Je, kwa viwango hivi, tutaipataje Tanzania tuitakayo? Tujadili.

Chadema wamkataa Kikwete hadharani

2010-11-18T17:30:00.004+03:00

Chadema wamesisitiza hoja yao ya kukataa matokeo ya urais kwa sababu za uchakachuaji. Mdau mmoja, Bartholomew Mkinga, ameamua kufafanua uamuzi wa Chadema kumkataa rais, na kuendelea na shughuli za Bunge. Anasema:

"CHADEMA haijatamka kuwa haimtambui Kikwete kama Rais wa Tanzania, bali hawayatambui matokeo ya uchaguzi yaliyompa Kikwete mamlaka ya kuwa rais. Kwa tafsiri rahisi, ni Kikwete hana tofauti na marais wan chi nyingine wanaotumia mbinu mbalimbali kuupata urais bila ridhaa ya wananchi wanaowaongoza; amewekwa madarakani na tume ya uchaguzi, si wapiga kura.

CHADEMA haiongelei matokeo ya kura za ubunge kwa vile sheria inaruhusu kuhoji matokeo ya ubunge kwenye vyombo vya kisheria. Kwa hiyo, CHADEMA inategemea kuhoji matokeo ya kura za ubunge katika majimbo kadhaa. Kwa upande wa urais ni tofauti kwa vile sheria hairuhusu kuhoji matokeo ya urais mara tume ya uchaguzi ikishayatangaza. Kwa hiyo, jitihada pekee inayoweza kutumika ni ya kisiasa.

CHADEMA hawatahudhuria matukio yote mawili kama njia mojawapo ya kuonesha kutokuridhika na kile kilichofanywa na tume ya uchaguzi ya kuhujumu demokrasia."

Katika tukio la hivi karibuni, Alhamisi wiki hii, wabunge wa Chadema wamesusa hotuba ya Kikwete Bungeni. Mara tu alipoinuka na kuanza kuhutubia, wabunge wote, wakiongozwa na Kiongozi wa Upinzani Bungeni, Freeman Mbowe, wameondoka, wakimwacha Kikwete mdomo wazi. Kikwete amelazimika kuhutubia wabunge wa CCM, CUF, TLP na NCCR-Mageuzi.

2010-11-03T16:53:00.002+03:00

Dk Slaa amesema kuwa matokeo ya kura za urais na ubunge yanayoendelea kutangazwana Tume ya Taifa ya Uchaguzi yamepikwa na Idara ya Usalama wa Taifa. Aliwaambia waandishi wa habari, makao makuu ya chama chake, kuwa Chadema kimefuatilia na kugundua kuwa takwimu za matokeo zinazotangazwa na Tume hazifanani na zile zilizo majimboni na kwenye kata, kutokana na idadi ya kura kutoka vituo vya kupigia kura. Alitoa mifano kadhaa, ukiwamo wa Geita ambako Chadema kilipata kura zaidi ya 22,000 za urais, lakini Tume ilitangaza kwamba kilipata kura 3,000.

Kwa sababu hiyo, Dk Slaa aliitaka Tume kusitisha mara moja utangazaji wa matokeo ya urais na kuandaa upya uchaguzi wa rais. Alimtaka pia Mkurugenzi wa Idara ya Usalama ajiuzulu kwa sababu amekipendelea chama kimoja badala ya kujali maslahi ya taifa.

Majimbo ya upinzani

2010-11-01T13:53:00.009+03:00

Hadi sasa inasemekana upinzani umechukua majimbo haya. Matokeo yameshajulikana katika majimbo mengi. Lakini Tume haitangazi, hasa katika maeneo ambako CCM wameshindwa. Wanataka walale nazo, waingize masanduku mapya, waombe zihesabiwe upya, ili watangaze mtu wao kesho. Katika baadhi ya maeneo, vijana wameshaanza kudai matangazo ya matokeo yao kwa nguvu: Matangazo rasmi kwa majimbo yote yanaendelea kutolewa:

Wapinzani walioshinda hawa hapa

1. Halima James Mdee .... Kawe (Chadema)
2. Tundu Lissu .... Singida Mashariki (Chadema)
3. Mustapha Quorro Akonaay ... Mbulu (Chadema)
4. Israel Yohana ..... Karatu (Chadema)
5. John Mnyika ..... Ubungo (Chadema)
6. Silinde David ...... Mbozi Magharibi (Chadema)
7. Felix Mkosamali ..... Muhambwe (NCCR-Mageuzi)
8. Salvatory Naluyaga Machemuli ...Ukerewe (Chadema)
9. Agripina Z. Buyogela .... Kasulu Vijijini (NCCR-Mageuzi)
10. Ole Sambu ...... Arumeru Magharibi (Chadema)
11. Augustine Lyatonga Mrema ..... Vunjo (TLP)
12. Salum Barwani ...... Lindi (CUF)
13. Joseph Mbilinyi ....... Mbeya Mjini (Chadema)
14. Philemon Ndesamburo Kiwelu ....... Moshi Mjini (Chadema)
15. Dk Antony Mbasa ....... Biharamulo Magharibi (Chadema)
16. Machali Moses John ......Kasulu Mjini (NCCR-Mageuzi)
17. Joseph Selasini ...... Rombo (Chadema)
18. Hezekiah Wenje ....... Nyamagana (Chadema)
19. Peter Msigwa ....... Iringa Mjini (Chadema)
20. Freeman Mbowe ....... Hai (Chadema)
21. Vincent Nyerere ...... Musoma Mjini (Chadema)
22. Godbless Lema ....... Arusha Mjini (Chadema)
23. Zitto Kabwe ....... Kigoma Kaskazini (Chadema)
24. Hayness Samson ...... Ilemela (Chadema)
25. John Shibuda ........ Maswa Magharibi (Chadema)
26. Meshack Opulukwa ....... Meatu (Chadema)
27. Sylvester Kasulimbayi Mhoja ....... Maswa Mashariki (Chadema)
28. John Cheyo ......... Bariadi Mashariki (UDP)
29. Bungaro Said ........ Kilwa Kusini (CUF)
30. David Kafulila ....... Kigoma Kusini (NCCR-Mageuzi)

Mengine baadaye

Uchakachuaji wa kura waanza

2010-11-01T10:51:00.004+03:00

Taarifa zilizopo zinasema katika vituo vingi, kura za urais anaongoza Dk Slaa, lakini wanatangaza ya udiwani na ubunge tu. Eti ya urais yanasubiri baadaye. Njama za kuchakachua, kumuongezea JK! TUnasubiri.

Habari zinasema JK na Yusuf Makamba wamekimbilia Mwanza kumnusuru Masha, Nyamagana. Pale Ilemela, Anthony Diallo, amekubali kushindwa, akasaini fomu ya matokeo. Anataka kumwaga damu?

Dk Slaa apiga kura

2010-10-31T16:53:00.004+03:00

Dk Willibrod Slaa ameshapiga kura nyumbani kwake, Karatu; na sasa yuko njiani kuelekea Dar es Salaam kusubiri matokeo.

Hapa chini watazame Maalim Seif na Jakaya Kikwete wakipiga kura zao pia.

Hivi ndivyo Dk Slaa alivyofunga kampeni Mbeya

2010-10-31T16:42:00.004+03:00

Picha ya kuchora inayomwonyesha pamoja Baba wa Taifa, Hayati Mwalimu Julius Nyerere na Dk Willibrod Slaa, iliyochorwa na Kasambara Joseph na Salim Ahamed. Dk Slaa alikabidhiwa picha hiyo katika mkutano wake wa kufunga kampeni uliofanyika kwenye Uwanja wa Ruanda Nzovwe jijini Mbeya, jana 31/10/2010

Pichani, Goodluck Haule, aliyekuwa mwanachama wa CCM, akimkabidhi Dk Slaa moja ya mavazi ya CCM baada ya kukihama na kujiunga na Chadema jana mjini Mbeya.

Wafuasi na wanachama wa CHADEMA wakiwa wamebeba bango lenye ujumbe wakati wa mkutano wa kufunga kampeni za Dk Willibrod Slaa uliofanyika kwenye Uwanja wa Ruandanzovwe jijini Mbeya 30/10/2010

Dk Slaa awa kivutio Zanzibar

2010-10-25T23:29:00.002+03:00

Mgombea wa Chadema Dk Willibrod Slaa, akihutubia mkutano wa kampeni uliofanyika katika viwanja vya Garagaza,vilivypo Mtoni, Unguja, Zanzibar. (Picha na Emmanuel Herman)

Mapokezi ya Dk Slaa jimboni Kawe

2010-10-25T10:37:00.005+03:00

Slaa nyumbani kwa Lowassa

2010-10-22T22:32:00.005+03:00

Hana kawaida y akupokea kadi za wana CCM wanaohamia Chadema, lakini naona hapa ameamua kuvunja mwiko. Katika picha hii, Dk Slaa amesimama na Amani Mollel ambaye ni mgombea ubunge wa Monduli kupitia Chadema, wakizichambua kadi za wana CCM 46 wa Monduli waliojiunga na Chadema kwenye mkutano wa kampeni uliofanyika kwenye Uwanja wa Bomani Polisi, Monduli mjini, mkoani Arusha.

Dk Willibrod Slaa akimpongeza mmoja wa kati ya vijana 46 wa kimasai wa Jimbo la Monduli waliojiunga na chama hicho wakitikea CCM, kwenye mkutano wa kampeni uliofanyika mjini Monduli, mkoani Arusha

Dk Willibrod Slaa akiwahutubia wakazi wa Monduli mjini kwenye mkutano wa kampeni uliofanyika leo Ijumaa asubuhi kwenye Uwanja wa Bomani Polisi mjini humo mkoani Arusha

Dk Slaa 'afanya kufuru' Mwanza

2010-10-22T22:29:00.002+03:00

Hii ni sehemu tu ya umati wa wananchi wa Mwanza mjini waliofurika katika uwanja wa Magomeni, Kirumba, kumsikiliza Dk Willibrod Slaa juzi Jumatano jioni.

Slaa katika picha Bukoba - Kahama

2010-10-18T14:19:00.010+03:00

Dk. Willibrod Slaa akihutubia maelfu ya wakazi wa mji wa Kahama mjini Kahama, mkoani Shinyanga jana jioni.

Dk. Willibrod Slaa akisalimiana na baadhi ya watawa waliohudhuria mkutano wa kampeni zake kwenya Uwanja wa Sabasaba mjini Nzega jana asubuhi.

Sehemu ya wakazi wa Nzega wakiagana na Dk. Willibrod Slaa mara baada ya mkutano wa kampeni kwenye Uwanja wa Sabasaba.

Dk. Willibrod Slaa akihutubia katika mkutano wake wa kampeni kwenye Uwanja wa Sabasaba mjini Nzega, Tabora.

Dk. Willibrod Slaa akihutubia wananchi wa kijiji cha Mganza, Jimbo la Chato.

Akinana mama wakazi wa mji wa Bukoba nao hawakuachwa nyuma katika mkutano wa kampeni za Dk Slaa mjini Bukoba. Katika picha hii wanalea watoto wao, huku wakimsikiliza Dk. Willibrod Slaa katika mkutano wa kampeni uliofanyika kwenye Uwanja wa Mashujaa (UHURU).

Dk. Willibrod Slaa akihutubia wakazi wa mji wa Bukoba na vitongoji vyake katika mkutano wa kampeni kwenye Uwanja wa Uhuru.

Slaa: Sitaki Urais wa Damu

2010-10-11T21:33:00.002+03:00

Akiwa mwishoni mwa ziara yake mkoani Kigoma, Dk Slaa aliwataka wananchi kujihadhari na CCM na Kikwete kuhusu kauli za kuwamga damu zinazosambazwa na wanapropaganda wa CCM. Hii ndiyo kauli yake:

“Mimi sitaki kwenda Ikulu kwa kumwaga damu ya Mtanzania yeyote. Sijatamka hata siku moja kumwaga damu. Nataka uchaguzi wa amani na utulivu. Katika mikutano yangu zaidi ya 400 niliyofanya sasa, nimehimiza watu wangu kuzingatia amani…Nyie mkipigwa shavu hili geuza jingine, msiwe chanzo cha vurugu.

“Amani haihubiriwi, bali inajengwa kama vile Chadema inavyowajenga Watanzania katika sera zake. Tunaposema kutoa elimu bure, afya bure na kuboresha makazi ni kwa faida ya Watanzania wote, hatutaki kujenga matabaka….Lakini CCM imekuwa inapeleka vijana wake kwenye makambi kujiandaa kufanya fujo…Lakini wajue kuwa amani itakuwapo kama haki itatendeka.

Dk Slaa akiwa Tunduma, Namanyere

2010-10-07T08:23:00.005+03:00

Dk. Willibrod Slaa, akihutubia wakazi wa mji mdogo wa Namanyere katika Jimbo la Nkasi Kaskazini mkoani Rukwa, akiwa njiani kuelekea Mpanda nyumbani kwa Waziri Mkuu Mizengo Pinda. Kwa mujibu wa Evarist Shija, mmoja wa maofisa wa serikali waliohudhuria, JK alipofika hapa alipata karibu nusu ya umati huu, licha ya kuwasomba kwa mabasi na malori kutoka sehemu za mbali, tena baada ya matangazo ya nguvu.

Dk. Willibrod Slaa akihutubia maelfu ya wakazi waa mji wa Tunduma, katika mkutano wake wa kampeni, kwenye Uwanja wa Shule ya Msingi Tunduma

Sehemu ya maelfu ya wakazi wa mji wa Tunduma, wakipunga mikono kumpokea Dk. Willibrod Slaa, alipowasili kwenye Uwanja wa Shule ya Msingi Tunduma.

Dk Slaa akiwa Singida na Mbeya

2010-10-04T21:07:00.007+03:00

Sehemu ya umati wa wakazi wa mji wa Mbalizi mkoani Mbeya, wakiwa na mabango yenye ujumbe mbalimbali, wakati wa mkutano wa Dk. Willibrod Slaa.

Mgombea ubunge katika jimbo la Mbeya Mjini kupitia CHADEMA, Joseph Mbilinyi (Mr Sugu), akiwatumbuiza wananchi wa mji wa Mbalizi, wakati wa mkutano wa Dk. Willbrod Slaa.

Dk. Willibrod Slaa akihutubia maelfu ya wakazi wa mji wa Mbalizi mkoani Mbeya, kwenye Uwanja wa Stendi ya Mabasi.

Mkuu wa wilaya ya Mbarali, Kanali Mstaafu Cosmas Kayombo (aliyeketi kulia), akisikiliza mkutano wa kampeni wa Dk. Willibrod Slaa katika eneo la Chimala mkoani Mbeya.

Mgombea ubunge Jimbo la Iringa kwa tiketi ya Chadema, Mchungaji Peter Msigwa akijinadi kwa wananchi mbele ya Dk Slaa.

Dk Slaa azungumzia mambo makuu matatu

2010-09-29T06:05:00.003+03:00

Viti Maalumu

Kwanza amezungumzia suala la Viti Maalumu kupitia CHADEMA, akaweka wazi kilichoazimiwa na Kamati Kuu ya chama. Majina 105 kati ya 147 ya walioomba kuteuliwa viti maalumu, yamepitishwa; na sasa yatapelekwa Tume ya Uchaguzi kama sheria inavyodai. Walioteuliwa hawakutajwa majina kwa waandishi. Mfumo wa uteuzi ulizingatia vigezo sita (6) vilivyoainishwa na mtaalamu aliyeteuliwa na chama hicho ili kuifanya kazi hiyo, Dk. Kitila Mkumbo. Vigezo hivyo ni 1. Kiwango cha Elimu. 2. Uzoefu wa kazi ya kisiasa. 3. Uzoefu wa uongozi nje ya siasa. 4. Kugombea Jimbo. 5. Mchango wa mgombea katika chama na kampeni zinazoendelea. 6. Umri wa mtu katika chama. Kila kipengele kilikuwa na vigezo vidogo vidogo kama vinne, vyenye alama tofauti. Na kwa mujibu wa Dk Slaa na Kitila, viti hivyo vimetawanywa nchi nzima, kwa kuzingatia vigezo hivyo hivyo. Akahitimisha kwa kusema: "Ingawa kuna usemi kwamba siasa ni mchezo mbayan, kwa Chadema, siasa ni sayansi na unachezwa kisayansi." Alitumia pia fursa hiyo kusisitiza kuwa Chadema kimeweka wagombea 185 ambao ni ziaidi ya asilimia 75 ya wagombea ubunge nchi nzima; na kwamba idadi hiyo kinatarajia kuvuna wabunge wa kutosha, na kiko tayari kuunda serikali.

Usalama wa Taifa

Dk. Slaa alitumia fursa hiyo kutamka kwamba ana taarifa za kikachero kuwa Rais Kikwete ameagiza wana usalama wa taifa wasambae nchi nzima kuhujumu uchaguzi. Akasisitiza kwamba, "kwa sura ya sasa, Kikwete ameshashindwa...na amani ya nchi ikivurugika, Kikwete ndiye atabeba lawama na laana.." Alisisitiza pia kuhusu waraka uliosambazwa nchi nzima ukiwataka wakuu wa mikoa, wakuu wa wilaya na wakurugenzi wa halmashauri nchi nzima kufanya kila wawezalo kulazimisha ushindi wa CCM. Akasema hujuma hii inaweza kusababisha umwagaji damu, na kwamba asingependa itokee.

Utafiti na vitisho vya Synovate

"Tunasubiri kusikia Synovate wamefungua kesi. Kama hawajaenda, waende sasa. Wasipofanya hivyo tutawaharibia credibility yao hapa nchini na kimataifa. Chadema tunapofanya kitu chetu huwa haturudi nyuma. Hatuna woga. Gazeti lililoshitakiwa nalo lisiwe na woga." Baada ya hapo alionyesha vielelezo vya utafiti uliofanywa na Synovate, ambao katika kipengele GPO 6 liliulizwa swali: "Kama ucahguzi ungefanyika leo, nani ungempigia kura ya urais?" ambalo Synovate walikanusha kwamba halikuwamo katika utafiti wao, wakidai wanataka kuufanya baadaye kabla ya uchaguzi mkuu. Ukweli ni kuwa walifanya utafiti lakini CCM iliingiza 'mkono' wake baada ya kubaini kuwa matokeo hayo yalikuwa yanaonyesha Kikwete yuko nyuma ya Dk Slaa.

Tahadhari ya Mbowe

Freeman Mbowe alitoa tahadhari kwa Rais Kikwete, Mwenyekiti wa Tume ya Uchaguzi, na Msajili wa Vyama vya Siasa, akisema wamepewa mamlaka ya umma, ambayo wakiyatumia vizuri wanaweza kulipeleka taifa kwenye amani, na wakifanya makosa wanalitumbukiza kwenye ghasia. Akasema kinatokea sasa, CCM wameshindwa siasa za majukwaani, na watatu hawa wako katika mikakati michafu ya kuvuruga uchaguzi. Akasema kama wanatakua kuugeuza uchaguzi wa uchakachuaji, hapatatosha! Aliwaomba Watanzania kuwa tayari kulinda maamuzi yao, kura zao. Akasisitiza: "Tunaomba Watanzania na jumuiya ya kimataifa mtuelewe..."

Blogu Yaanika Mafanikio ya Kikwete

2010-09-24T18:44:00.001+03:00

Nimeipenda tathmini hii ya mafanikio ya Kikwete 2005-2010

DK. Slaa akiwa Kilimanjaro

2010-09-23T16:41:00.002+03:00

Dk. Slaa nyumbani kwa Mbowe

Akiwa katika Jimbo la Hai, mkoani Kilimanjaro, Dk Willibrod Slaa alifanya mikutano 12 kwa siku moja. Kesho yake akafanya mikutano katika majimbo ya Rombo na Vunjo. Akahitimisha kampeni za awali mkoani humo kwa kufanya kampeni katika majimbo ya Moshi Vijijini, Moshi Mjini, Same Mashariki na Same Magharibi.

Alichokifanya mkoani Kilimanjaro kimeelezwa vema na wale waliosema “ameiteka Moshi” kwa maandamano ya watembea kwa miguu, waendesha baiskeli, pikipiki na magari; huku yakisindikizwa na helikopta katika maeneo ya Moshi Mjini. Umati wa wakazi wa Moshi, uliandamana na kusimamisha shughuli zote za kijamii na kibiashara kwa zaidi ya saa nne – kuanzia saa 8 alasiri hadi saa 12 jioni.

Ujumbe kutoka kwa Dk Slaa:

Watanzania wameshakubali kufanya mabadiliko makubwa. Rais Jakaya Kikwete ajiandae kuaga Ikulu, astaafu baada ya mika mitano ambayo haikuleta matumaini yaliyotarajiwa. Serikali isitumie mabavu kuumiza wananchi wanaotaka mabadiliko. Isimwage damu kwa ajili ya maslahi binafsi ya wanaotafuta madaraka au wanaong’ang’ania madaraka.
Rais Kikwete asiviingize vyombo vya ulinzi katika dhuluma inayoweza kusababisha damu ya Watanzania kumwagika kwa ajili ya madaraka ya wachache.

Ujumbe kutoka kwa Freeman Mbowe:

Hatuwezi kuwa na serikali inayoongozwa kwa nguvu za giza badala ya nguvu za Mungu; rais anayelindwa na majini badala ya vyombo ya ulinzi na usalama. Rais Kikwete ajitokeze, akanushe kuhusika na majini ya Sheikh Yahya Hussein, ambayo aliahidiwa kutumiwa yamlinde ili asianguke tena hadharani.

Katika picha hii, Mbowe anawaongoza wananchi wa Moshi Mjini kuzomea CCM kwa kilio huku wamejishika vichwa katika uwanja wa Mashujaa.

Kampeni ya Dk. Slaa: Mpya Mpya Katika Picha

2010-09-18T18:02:00.008+03:00

Mchumba wa Dk. Slaa, Josephine, akisalimia wananchi wa Karatu mkutanoni, juzi Alhamisi.

Dk. Slaa hatumii shangingi. Hiki ndicho kipanya anachotumia katika ziara zake za kampeni. Katika picha hii, wananchi wa Arusha Mjini wanasukuma kipanya hicho kuondoka viwanja vya mkutano kuelekea hotelini jana Jumamosi jioni.

Jina la shabiki huyu wa Dk. Slaa halikupatikana mara moja. Ni mkazi wa Arusha Mjini.

Dk. Willibrod Slaa, akimnadi mgombea wa ubunge katika jimbo la Karatu kupitia chama hicho, ambaye anatarajiwa kuwa mrithi wake wa ubunge jimboni humo, Mchungaji Israel Natse, wakati wa mkutano wa hadhara wa kampeni, uliofanyika kwenye Uwanja wa Bwawani mjini Karatu jana Ijumaa

Dk. Willibrod Slaa, akizungumza na Kamanda wa Polisi wa Mkoa wa Shinyanga, Daudi Siasi, mara baada ya kuhutubia mkutano wa kampeni zake kwenye Uwanja wa Sabasaba mjini Bariadi juzi Alhamisi.

Bendera za mashabiki Musoma Mjini: Dk. Slaa ni chaguo la vyama vyote

Wananchi Musoma: Dk Slaa ni Taa Mpya

Red Brigade wa Chadema Musoma Mjini

2010-09-18T17:25:00.005+03:00

Red Brigade Musoma Mjini

Hii ndiyo Bunda ya Dk. Slaa

2010-09-12T23:04:00.005+03:00

Leo tuko Bunda. Acha picha hizi ziseme zenyewe. Maelezo mengine baadaye. Itoshe tu kusema kwamba miongoni mwa maelfu ya wana Bunda waliofurika kumsikiliza Dk. Slaa katika viwanja vya Sabasaba ni Mkuu wa Wilaya hiyo, Francis Isack. Alikaa jukwaa moja na Dk. Slaa, naye alimsifu kwa ukomavu wa kisiasa, lakini akamuonya kwamba kama alikuwa amekwenda pale kwa nia tofauti, atazame umma, apime nguvu yake na apeleke taarifa za kile anachosikia na kuona. Alimsimamisha DC huyo akawasalimia wananchi kwa kunyosha mikono juu.

Dk. Slaa acharuka Mwanza

2010-09-12T00:29:00.004+03:00

Dk Willibrod Slaa amecharuka mkoani Mwanza. Akiwa katika majimbo ya Geita, Buchosa na Nyamagana, mgombea huyo ametoa changamoto kali kwa CCM, hasa mgombea urais Jakaya Kikwete ambaye Dk. Slaa alisema ni "saizi yangu." Halafu akatumia fusa hiyo kumshughulikia, akisema rais huyo wa awamu ya nne hana mpango mkakati wala visheni ya kuwakomboa Watanzania. Badala yake, Kikwete amekuwa akitekeleza maagizo yake (Dk Slaa) katika kipindi cha miaka minne iliyopita, hasa kwa kudai anapigana na ufisadi (ulioibuliwa na Dk. Slaa). Hata katika tukio la juzi la Kikwete kumchukulia hatua Meneja wa kiwanda cha Turiani, Morogoro, Dk. Slaa alisema hatua ya Kikwete ilitokana na msisimko wa siasa za uchaguzi, hasa baada ya Dk Slaa kutembelea Turiani, wiki mbili zilizopita, na kutoa kauli kwamba atashughulikia matatizo yao katika siku 100 za kwanza za utawala wake.

Vile vile, alisema Rais Kikwete amevunja rekodi ya kudanganywa kuliko marais wote duniani katika miaka mitano iliyopita. Alisema mwaka mwaka 2007, JK alifungua mradi hewa wa maji huko Pwaga, Dodoma; mwaka 2009 Rais Kikwete aliletewa Ikulu mkurugenzi wa halmashauri isiyohusika na kukabidhiwa gari la wagonjwa; na alizindua hoteli moja ya kitalii mkoani Arusha, kesho yake ikavunjwa uzio na TANROADS, na mwaka huu alisaini kwa mbwembwe sheria iliyochomekwa vipengele ambavyo havikujadiliwa Bungeni; na kwamba hata baada ya matukio yote hayo, hakuna mtu aliyewajibishwa.

Mwaka huu, siku alipozindua kampeni za CCM mkoani Mwanza, JK aliwaeleza wananchi kwa mbwembwe, kuwa Mbunge wa Nyamagana, Lawrence Masha, alikuwa amepita bila kupingwa; jambo ambalo Dk. Slaa alisema si kweli kwani mgombea wa Chadema alikuwa ameweka pingamizi, ambalo hatimaye limemrejesha ulingoni. “Ama JK alidanganywa na Masha au alijidanganya mwenyewe au hakuwa makini…Kikwete si makini. Awaombe radhi wananchi wa Nyamagana kwa kuwadanganya.”

Alisema Kikwete amekuwa rais wa majaribio, na kwamba miaka mitano inatosha. "Imetosha, Kikwete aende akapumzike, muda wake umekwisha, miaka mitano inamtosha. “Hatuwezi kwa miaka mitano kuendelea kuwa na rais mtalii, asiyejua matatizo ya wananchi wake, anayetetea maslahi ya wawekezaji badala ya wananchi, asiye na visheni,” alisema.Dk Slaa alidai hata mipango mkakati kama MKURABITA, MKUKUTA na hata MINI-Tiger, hata na barabara anazojivunia JK kujenga ni za awamu ya tatu ya Rais Mstaafu Benjamin Mkapa, si zalo la awamu ya nne.

Akiwa jijini Mwanza, alisisitiza juu ya umuhimu wa viwanda katika kujenga uchumi, ajira na ujira bora; akasema CCM iliua viwanda na makampuni ya umma zaidi ya 450 yaliyoanzishwa na Baba wa Taifa, Mwalimu Julius Nyerere, na hivyo kuua ajira na uchumi wa taifa. Alisema Chadema kinadhamiria kuanzisha viwanda vinavyotegemea mazao ya kilimo na mifugo, ili kuimarisha uchumi wa watu maskini, kwani raslimali zipo. Kilichokosekana, hadi sasa, ni ubunifu kwa upande wa watawala. Alisisitiza pia sera za elimu, afya, na makazi bora wa mujibu wa ilani ya Chadema.

Baada ya mkutano alisindikizwakwa maandamano na umati wa watu wazima na vijana, wakisukuma gari alilopanda kutoka uwanja wa Mirongo hadi Hoteli ya Nyumbani - umbali kwa kilometa zipatazo 5. Polisi walijitahidi kuwadhibiti wananchi hao, ikawa kazi bure. Hakukuwa na fujo yoyote. Walikuwa wakiimba, "rais, rais, Slaa; tumechoka mafisadi..." huku baadhi yao wakiwa na mabango yenye maandishi kuwa, "hatukubebwa na magari, tumekuja ejnyewe."

Dk. Slaa akemea majini ya Sheikh Yahya Hussein

2010-09-10T21:14:00.003+03:00

Dk. Willibrod Slaa amemkemea mnajimu Sheikh Yahya Hussein (pichani) aliyeahidi kumpa Rais Jakaya Kikwete 'ulinzi wa majini,' ili kukabiliana na nguvu za giza zinazomwandama na kumwangusha majukwaani. Akihutubia mkutano wa hadhara katika mji wa Katoro, jimbo la Busanda, Mwanza, Dk. Slaa alisema "nchi haiwezi kuongozwa na uchawi. Haiongozwi na imani za watu, kila mtu ana imani yake, lakini tusifike mahali tukaongoza nchi kwa uchawi."

Alimtaka Rais Jakaya Kikwete kumkemea Sheikh Yahya kwa kauli hiyo iliyotolewa juzi Dar es Salaam, la sivyo wananchi wataamini mnajimu huyo anatumiwa na CCM kuleta hofu katika jamii. Aliwakumbusha wananchi kuwa mwanzoni mwa mwaka huu, Sheikh Yahya alisema mtu yeyote atakayegombea urais na Kikwete, atakufa. Dk. Slaa alisema: "Sisi wengine ni majabali, hatuogopi."

Nukuu ya Leo kutoka kwa Dk. Slaa

2010-09-09T20:37:00.006+03:00

"Simamia, Dhibiti, Wajibisha."

Hii ni kauli nzito iliyotolewa na mgombea urais kupitia Chadema, Dk. Willibrod Slaa, akisisitiza umuhimu wa uongozi unaowajibika na kuwajibisha, ili kuokoa raslimali za taifa na kuzielekeza katika huduma za jamii. Akasema anahitajika kiongozi anayeweza kufanya mambo hayo matatu, ili kuwezesha serikali kuokoa pesa na kuziingiza katika kulipia elimu na afya. Alitoa kauli hii mjini Ngudu, Mwanza, katika mkutano wake wa tano leo, mara baada ya kuwaeleza wananchi kuhusu sera za afya na elimu, kwamba zitalipiwa na serikali, na kwamba vyanzo vya mapato ya kulipia huduma hizo vipo, na kwamba serikali ya JK inashindwa kuyatekeleza hayo kwa sababu inaishi katika anasa. Meneo mengine aliyotembelea leo ni Itinge, Mwandoya, Hungumalwa na Mwamashimba.

Alizungumzia umuhimu wa serikali kufumua mikataba yote mibaya, hasa ya madini, inayopoteza mabilioni ya shilingi kila siku, ili kumpunguzia Mtanzania mateso yanayosababisha na uongozi usiojali wananchi. Amekuwa akisema kila mahali kuwa serikali ya sasa inakumbatia wawekezaji, inatelekeza wananchi.

Dk Slaa pia alizungumzia pia suala la mishahara ya wafanyakazi, akisema iwapo ataingia madarakani, ataiboresha kwa kufanya kima cha hini kiwe Sh 315,000; huku akiwaongezea marupurupu ma maslahi ya nyongeza katika huduma za ujenzi wa makazi bora na bima za afya. Huku akiwakumbusha hongo iliyotolewa na JK mwezi uliopita kwa kuwaingizia wafanyakazi nyongeza katika mishahara, kinyume cha bajeti iliyopitishwa na Bunge, Dk. Slaa alisema hawataiona nyongeza hiyo baada ya uchaguzi kwa kuwa si rasmi. Alisema kwamba katika majibu ya Msajili wa Vyama vya Siasa kwa Chadema kuhusu pingamizi walilomwekea JK wakidai ameongeza mishahara kinyemela, hakuna mshahara wowote ulioongezwa rasmi, hivyo msajili akakosa kigezo cha kisheria cha kumtia JK hatiani. Lakini nyongeza hiyo ilikuwapo. Aliwakumbusha kuwa JK alikataa kura za wafanyakazi; akasema yeye (Slaa) anazitaka. Kuhusu pesa hizo zilizoongezwa kinyemera, alimalizia kwa nukuu nyingine muhimu, akiilekeza kwa wafanyakazi:

"Zimeingizwa sasa, baada ya uchaguzi hamzioni. Mlizoingiziwa...mmeliwa."

Slaa akata anga Usukumani

2010-09-08T15:15:00.002+03:00

Leo Dk Willibrod Slaa ameingia mkoani Shinyanga kusaka kura za urais. Na Chopper yake imeanza kazi upya baada ya kufanyiwa matengenezo madogo kwa siku nne zilizopita. Habari nyingine baadaye.

Hii ndiyo Kauli ya First Lady wa Slaa

2010-09-08T04:31:00.002+03:00

Kwa waliokuwa wanasubiri kauli ya First Lady wa Dk. Slaa, hasemi tena. Soma hiki hapa:

Josephine Mushumbusi, amezungumza kupitia Mwanasheria Mkuu wa Chadema, ambaye pia ni wakili wa Dk Willibrod Slaa, Tundu Lissu, akaviambia vyombo vya habari kuhusu tuhuma zinazowakabili yeye na Dk. Slaa kuwa kwa mara nyingine, Chama Cha Mapinduzi (CCM) kimerejesha mfumo wa uchaguzi unaobadilishwa kuwa mfumo ya kijinga (a silly season). Akasema kwamba CCM wamekuwa wakikishambulia Chadema kuwa ni chama Wachagga; kwamba baadhi ya viongozi wake ndio walimuua Chacha Wangwe; na kwamba Dk Slaa ametumwa na kanisa Katoliki kugombea urais; lakini baada ya kuona hadithi hizo zimepuuzwa, sasa wameibuka na suala jipya na “ndoa za Dk. Slaa” wakidhani zitawasaidia kugeuza macho ya umma kutoka kwenye masuala muhimu ya wakati huu.

Akasema CCM hawataki Dk. Slaa na Chadema wajadili wizi, ubadhirifu wa fedha na mali za umma; hawataki wajadili wizi wa Sh. bilioni 772 zilizoibwa katika mwaka 2008/9 tu, kwa mujibu wa ripoti ya Mkaguzi na mdhibiti Mkuu wa Hesabu za Serikali; hawataki Chadema itaje majina ya wezi wa Akaunti ya Madeni ya Nje (EPA) ya Benki Kuu ya Tanzania (BoT); hataki Chadema wajadili jinsi JK na rafiki zake, akina Edward Lowasaa, Nazir Karamagi, Andrew Chenge na Rostam Azizi walivyofilisi taifa hili; hawataki Chadema ijadili madai halali ya wafanyakazi wa Tanzania na ahadi za ‘maisha bora kwa kila Mtanzania.’ CCM hawataki Chadema kijadili sera mbadala ambazo zinalenga kuwakomboa Watanzania kutoka lindi la umaskini.

Wanataka kulielekeza taifa zima katika kujadili masuala ya ‘chumbani’ kwa Dk. Slaa; analala na nani, ana wake wangapi, kawapata wapi na kadhalika; ili kwa kufanya hivyo mgombea wao awarubuni wananchi kwa ziara mikoani na ahadi kemkem zisizotekelezeka.

Tundu Lissu amesisitiza kuwa kila wanapoona wamebanwa, CCM huwa wanabuni njama za kukomoa washindani wao, kama walivyofanya huko nyuma. Alitoa mifano ya kilichotokea miaka ya 1995 na 2005.

Mwaka 1995: Kwa kumwogopa Mrema aliyekuwa tishio kwa CCM, walimtumia mwanamke mmoja, aitwaye Angelina, wakidai ni kimada aliyezaa na Mrema; akawa analala getini kwa Mrema, Masaki, Dar es Salaam. Wakamdhalilisha. Baada ya uchaguzi, Mrema akashindwa, na suala la Angelina halikujadiliwa tena.

Mwaka 2005 tishio la CCM ilikuwa Chama cha Wananchi (CUF), hasa Zanzibar. CCM wakamtumia Inspekta Jenerali wa Polisi, Omar Mahita, siku chache kabla ya uchaguzi, kudai kuwa amekamata lori lenye mapanga, majambia, visu na silaha nyingine zenye nembo ya CUF. Wakakipaka chama matope. Baada ya uchaguzi, hatukuelezwa lolote kuhusu visu hivyo.

Mwaka huo huo, katika uchaguzi wa ndani ya chama, baada ya kundi la JK kuona limezidiwa mno, likaamua kumzushia Dk. Salim Ahmed Salim likidai ni Mwarabu, na muuaji wa Rais Abeid Amani Karume. Wakamhujumu, Na baada ya uchaguzi hawakuzungumzia tena uarabu wa Dk. Salim.

Mwaka 2010: Tishio la CCM ni Chadema na Dk. Slaa. Baada ya kuona upepo unawaendea vibaya, CCM wameamua kufanya siasa za mtaro wa maji taka; hizi wanazotumia watu kumwandama Dk Slaa.

Tundu Lissu alisema kuwa Chadema hawako tayari kufanya siasa za majitaka; na kwamba Watanzania hawako katika kujadili mambo hayo, kama hali ya afya za wagombea, ambao baadhi wanadaiwa kuwa na virusi vya ukimwi kiasi cha kubadili damu kila baada ya miezi, na kwamba kwa sababu ya unyonge huo, baadhi yao waanguka mara kadhaa jukwaani.

Akasema wao hawatazungumzia baadhi ya wagombea urais wana wake wangapi, mahawara wangapi, na wamewaweka katika ofisi gani za umma, wapi wamepewa mikataba minono ya fedha kwa upendeleo, na kadhalika. Akasisitiza kwamba Chadema haitajibu uchafu unaosambazwa na vyombo vya habari, lakini akasema, “sauti yetu itasikika iwapo wataenda mahakamani.”

Akasema Chadema itazungumzia umaskini wa Watanzania na namna ya kuupunguza au kuuondoa; jinsi Tanzania ilivyo nchi ya tatu katika Afrika lakini wanakijiji wanalazimishwa kujenga shule za kata huku serikali ikifuja mabilioni ya pesa (kama hizo bilioni 772/- zilizotafunwa ndani ya mwaka mmoja.

Akasema Chadema itajadili malipo ya anasa kwa mawaziri, maisha duni ya polisi, walimu, wauguzi na makundi mengine yanayonyonywa katika jamii. Akasema Chadema itajadili jinsi ya kuboresha afya za wananchi.

Akasema, “hatutaki siasa za chumbani, bali za hadharani.”

Kwanini wamshambulie Dk Slaa? Kwa sababu ni Dk. Slaa.

- Ana rekodi ya kuwashinda CCM mara tatu, kwa miaka 15 mfululizo
- Amekuwa sauti kuu ya wananchi Bungeni, inayotetea masilahi ya umma
- Kuliko kiongozi yeyote aliyewahi kuwapo Tanzania ndani ya miaka 50, ni Dk Slaa pekee aliyetaja hadharani mafisadi 11 bla woga wowote. Walioathirika kwa ujasiri wake ndio hao wanaomsakama sasa kwa mambo ya chumbani badala ya mambo ya hadharani.

JK hawezi kushinda bila njama chafu?

2010-09-06T07:16:00.003+03:00

SIJUI kwa nini JK na wapambe wake hawajifunzi. Mwaka 2005 walilazimika kumwita Dk Salim Ahmed Salim "mwarabu na muuaji wa Rais Karume." Naamini laana ya Dk. Salim imekuwa inamwandama JK kwa miaka yote minne. Na sasa baada ya kuona upepo mkali dhidi ya JK, na kama vile hawana uwezo wa kujifunza, wameanza kumshambulia binafsi, Dk Slaa. Lakini kwa bahati mbaya, aina hii ya mashambulizi itakapogeuzwa na kuelekezwa kwa JK, watakuwa wamemmaliza mtu wao. Najiuliza: Hivi JK amechoka kiasi hicho?

Slaa ataka Watanzania wapate 'Slaa' mwingine Bungeni

2010-09-05T00:06:00.004+03:00

Mgombea urais kupitia Chadema Dk. Willibrod Slaa amewataka wananchi wa Singida Mashariki kumchagua Tundu Lissu kuwa mbunge wao, ili kuziba pengo lake (Slaa) ambaye baadhi ya wananchi wamekuwa wakimlilia kwamba angebaki Bungeni kuwatetea. Dk Slaa alisema Tundu ni kiongozi jasiri, ambaye iwapo atakuwa katika Bunge na Halmashauri atatetea maslahi ya wananchi wote, kama alivyofanya Dk. Slaa kwa miaka 15 mfululizo. Dk. Slaa alisema hayo wakati akimnadi Lissu katika mikutano ya hadhara jimboni mwake, kwenye maeneo ya Makiungu, Dung'unyi, Ntuntu na Mang'onyi mkoani Singida.

Tendwa aalikwa Ikulu kuteta na JK

2010-09-04T08:10:00.003+03:00

MSAJILI wa Vyama Vya Siasa, John Tendwa, ameonekana Ikulu. Alikwenda kukutana na Rais Jakaya Kikwete Alhamisi majira ya saa 9.00 alasiri. Wachunguzi wa mambo wanasema wito wa Tendwa Ikulu una uhusiano na pingamizi la Chadema dhidi ya JK, ambalo limeikalia vibaya CCM, na linatarajiwa kutolewa jibu na Tendwa Jumatatu keshokutwa. Kama haki itatendeka au la, ni jambo jingine; na matokeo yake yatajulikana hapo baadaye. Je, yawezekana Tendwa anajipalia mkaa? Kama hakutarajia, sasa hana ujanja. Tumeshajua!

Dk. Slaa aiteka Manyara

2010-09-03T21:04:00.005+03:00

Dk. Slaa ameiteka Manyara. Na wananchi wa Manyara wamemteka pia. Ilikuwaje? Kwanza, walijaa katika mikutano yake katika majimbo ya Hanang na Mbulu. Pili, walizuia misafara yake kokote alikopita wakitaka awahutubie, walau kwa dakika moja tu! Tatu, walimwahidi kufanya mabadiliko makubwa mwaka huu kwa kuchagua wabunge na madiwani wa Chadema, ili kukifanya CCM kuwa chama cha upinzani. Kipya ni kwamba alitumia usafiri wa Kipanya (Hiace) badala ya helikopta kutoka Babati hadi Mbulu, kwa sababu helikopta ilipata hitilafu kidogo jana Jumatano mara baada ya kutua mjini Babati ikitokea eneo la Bashnet. Katika picha ya kwanza, ni umati ulijitokeza kumlaki Dk. Slaa katika eneo la Haydom, jimboni Mbulu; na katika picha ya pili Dk Slaa anamtambulisha mgombea ubunge wa Hanang, Rose Kamili, katika eneo la Endosak, jirani na nyumbani kwa Waziri Mkuu Mstaafu, Frederick Sumaye.

Slaa amrudi Makamba

2010-09-02T23:06:00.005+03:00

MGOMBEA urais kwa tiketi ya Chadema, Dk Willibrod Slaa, amesema kuwa vigogo wa CCM hawana ubavu wa kumnyooshea kidole kuhusu maisha yake binafsi. Akihutubia wananchi katika mji wa Babati, mkoani Manyara, Dk. Slaa alisema iwapo wataendelea kuacha masuala ya kitaifa na kujihusisha na maisha yake binafsi, naye atawavaa na kuwavua nguo mmoja baada ya mwingine, kwani anawajua. Na kwa kuanzia, alimtaka Katibu Mkuu wa CCM, Yusuph Makamba, awaeleze Watanzania kwa nini alifukuzwa ualimu wa shule ya msingi. Dk. Slaa alisema yeye hakufukuzwa upadri, kama Makamba anavyodai; bali aliamua kuacha kwa kufuata sheria za kanisa, na akapewa kibali kutoka Vatican kinachomruhusu kuwa mlei na kuoa. Alisema iwapo Makamba atadanganya wananchi kuhusu kilichosababisha afukuzwe ualimu, Dk. Slaa atamuumbua. Habari za uhakika zinasema Makamba alifukuzwa ualimu (mkuu) wa shule kwa kosa la kumbaka na kumpa mimba mtoto wa shule.

Naye Mkuu wa msafara wa Dk. Slaa, Suzan Kiwanga, alimtolea uvivu mke wa rais, Salma Kikwete, akisema anatumia pesa za umma kuzunguka nchi nzima anafanya kampeni huku akijua kuwa hatambuliki katika ratiba ya Tume ya Taifa ya Uchaguzi. Kauli ya Kiwanga iliongezewa uzito na Dk. Slaa aliyesema: "Nchi hii ina rais mmoja, ni Kikwete. Mke wa rais si rais. Anatembea kwa msafara wa magari 21 huku akilindwa na kupewa heshima zote na viongozi wa serikali; kama nani? Na raisi mwenyewe atatumia magari mangapi? Lakini hii yote ni matumizi mabaya ya kodi za wananchi, na huu ni ufisadi," alisema huku akishangiliwa na umati uliokusanyika katika uwanja wa Kwaraha mjini babati.

Ilisemekana kwamba, asubuhi ya leo, kabla ya mkutano wa Dk. Slaa, Salma alitaka kuuteka uwanja huo na kuutumia kwa mikutano yake ya hadhara, lakini wananchi wa Babati wafuasi wa Chadema walimtolea macho na kumfukuza uwanjani hapo. Hali hii ndiyo ilisababisha kauli ya Kiwanga, ambaye alisema: "Laiti ningemkuta hapa, sementi hii (sakafu) ingegeuka vumbi." Akasisitiza kwamba kama Salma angekuwa anataka kufanya siasa, angechukua fomu agombee urais kama mumewe ili apate fursa ya kuzurura na kufanya mikutano. Lakini si vema kutumia pesa za Ikulu au za asasi yake ya WAMA kufanya siasa.

Slaa akata anga Morogoro

2010-08-30T19:19:00.002+03:00

LEO Dk. Willlibrod Slaa alikuwa mkoani Morogoro, katika wilaya za Mikumi na Mvomero. Mikutano imefana. Amesisitiza haja ya Morogoro kuwa na wabunge wa upinzani ili kuongeza uwajibikaji katika halmashauri za mkoa huu, na katika nchi nzima kupitia Bunge; na kudhibiti wizi wa fedha za umma.

Akiwa Mikumi, alimlipua mwenyekiti wa kamati ya kampeni za CCM, Abdulahman Kinana, akisema kigogo huyo ana mkono katika biashara chafu za makampuni ya meli; akamtaka ajielekeze katika masuala ya kitaifa badala ya kumwandama yeye (Slaa). Akasisitiza kwamba ana ushahidi wa kauli zake, kwani hana historia ya kukurupuka.

Kauli hiyo ya Dk. Slaa inakuja siku moja baada ya Kinana kujibu mapigo ya makada wa Chadema, hasa Mabere Marando, ambao waliwataja hadharani vigogo wanaohusika na ufisadi mkubwa, huku CCM ikilalamika kwamba chama hicho cha upinzani kinatoa matusi.

Katika mkutano wa ufunguzi wa kampeni za Chadema, Marando alisema vigogo waliohusika na wizi wa EPA ni Rais Mstaafu Benjamin Mkapa, Jakaya Kikwete, Rostam Azizi na Edward Lowassa, akasema waliofikishwa mahakamani kwa tuhuma za ufisadi ni dagaa wanaoonewa ili kuficha madhambi ya wahusika wenyewe wa ufisadi.

Juzi Kinana alijitokeza na kumbeza Dk. Slaa, kwamba anatumia lugha ya matusi kwenye kampeni kinyume cha makubaliano waliyosaini. Dk. Slaa jana alisema mtu akiiba anaitwa mwizi; na kwamba kumwita hivyo si matusi.

Helikopta ya Kikwete yashindwa kutua

2010-08-25T21:45:00.002+03:00

MWANABIDII mmoja, Leila Abdul, ameripoti kuwa helikopta inayombeba mgombea urais kupitia CCM Jakaya Kikwete, leo majira ya saa 10 imeshindwa kutua Ngara, mkoani Kagera, kutokana na hali ya hewa kutokuwa nzuri. Kwa sababu hiyo, mkutano uliopaswa kufanyika wilayani hapo uliahirishwa hadi kesho

"Kutokana na hali hiyo imembidi mwenyekiti wa CCM wilayani Ngara Hellena Adrian alilazimika kuwataarifu wananchi kuwa mkutano huo hautafanyika ikiwa ni majira ya saa 11:30 jioni na kueleza kuwa badala yake mkutano huo utafanyika kesho majira ya saa 2: 00, na kubainisha kuwa Kikwete amelazimika kusafiri kwa magari," aliandika Leila, katika waraka uliosambazwa kwa wanabidii wote.

Msafara wa Kikwete waua mtoto

2010-08-25T07:59:00.003+03:00

HABARI zilizoifikia blogu hii jana jioni zinasema gari moja aina ya Land Cruiser VX, T 181 BJP, lililokuwa katika msafara wa Rais Jakaya Kikwete, jana liligonga na kuua mtoto pala pale, eneo la Izigo, Muleba, mkoani Kagera. Hata hivyo, wahusika katika msafara huo wa mgombea urais kwa tiketi ya CCM walisema gari lililoua halikuwa katika msafara. Baadaye ilidhihirika kuwa gari hilo lilikuwa limeutangulia msafara wa JK; na lilibeba vifaa vya kampeni vya CCM. Dereva wa gari hilo alishikiliwa na kuhojiwa na polisi mkoani Kagera, lakini jitihada za kupata mamlaka husika kufafanua ajali hiyo hazikufanikiwa. Tutaendelea kuifuatilia. Mwaka 2000 msafara wa aliyekuwa mgombea wa CCM, Rais Benjamin Mkapa, ulia mtu mkoani Mwanza. Waandishi walioambatana naye waliamriwa wasiandike habari hiyo kabisa. Walibaki kusimulia kwa midomo baada ya kampeni!

Kikwete aanguka tena jukwaani

2010-08-21T15:51:00.005+03:00

Tumpe pole Rais Jakaya Kikwete. Ameanguka jukwaani, Jangwani Dar es Salaam, siku ya ufunguzi wa kampeni yake. Niliwahi kuwauliza madaktari wa rais, walipotoa taarifa ya ugonjwa wa rais, wakasema hataanguka tena. Nikasema, iwapo ataanguka tena, watatuambia nini? Nadhani hapa kuna tatizo kubwa. Tumwombee, na tumshauri Rais Kikwete.

Mtikila akosa sifa kugombea urais

2010-08-19T19:00:00.003+03:00

Mwenyekiti wa DP, Mchungaji Christopher Mtikila, ambaye alichukua fomu kugombea urais wa Tanzania, ameondolewa kwenye orodha ya wagombea urais. Tume ya Taifa ya Uchaguzi (NEC) imesema kwamba Mtikila alikosa sifa. Hakupata wadhamini kutoka mikoa 10 kama sheria inavyotamka. Mtikila aliwasili ofisi za NEC saa 10 jioni, kwa mbwembwe, kabla ya kupata habari mbaya, ambazo hata hivyo, kwa kuwa hakuwa amepata wadhamamini alizitarajia. Katika picha hii, Mtikila alikuwa anahutubia 'umati' ulikusanyika kumsikiliza katika viwanja vya Jangwani, Dar es Salaam, mwaka 2005 alipogombea urais. Wagombea mwingine ambao hawakutimiza masharti ni Paul Kyara wa SAU na wa Jahazi Asilia na Demokrasia Makini. Mgombea wa Demokrasia Makini na wa NRA hawakutokea kabisa kurejesha fomu.

Wagombea urais waliobaki hadi sasa ni Dk. Willibrod Slaa (CHADEMA); Prof. Ibrahim Lipumba (CUF); Jakaya Kikwete (CCM); Hashim Rungwe (NCCR-Mageuzi); Mutamwega Mgaywa (TLP); Sahma Dovutwa (UPDP); na Peter Kuga Mziray (APPT-Maendeleo).

Wagombea urais warejesha fomu

2010-08-19T17:14:00.015+03:00

Dk. Slaa

CHDM

Chadema

CCM

CCM

CCM

CUF

CUF

CUF

TLP

APPT-Maendeleo

Dini ya Obama yaleta kizaazaa

2010-08-19T16:52:00.002+03:00

Wamarekani sasa wamekumbwa na mjadala mpya juu ya dini ya Obama. Kwa vipi? Kwa nini? SOMA hapa.

Serikali yatisha Maswali Magumu

2010-08-17T20:15:00.003+03:00

JANA niliitwa Ofisi ya Idara ya Habari (MAELEZO) na kuhojiwa, nikiwa na Mhariri Mtendaji, Absalom Kibanda, juu ya ukali wa makala za Maswali Magumu ya Agosti 8, 2010 na ya Agosti 15, 2010, ambayo kwa taarifa nilizonazo yaliikera Ikulu, nayo ikaisakama MAELEZO. Kikao hicho kilishirikisha Mkurugenzi wa Maelezo, Clementi Mshana; Mkurugenzi Msaidizi, Raphael Hokororo na ofisa wa maelezo aitwaye Jovina, aliyekuwa anaandika muhtasari wa mazungumzo yetu. Tulizungumza mengi, lakini katika yote, nakumbuka nukuu ya mmoja wa vigogo hao wa MAELEZO akisema: "Mashujaa wote hawako hai...".

Nyerere na Kikwete: Wanalinganishika?

2010-08-12T15:21:00.009+03:00

Pweza afanya vitu vyake

2010-08-11T11:04:00.003+03:00

Wabunifu wameshaanza kufanya vitu vyao kuelekea Uchaguzi Mkuu. Eti na pweza ameshatabiri!

Dk. Slaa alazwa

2010-08-10T20:31:00.003+03:00

Mgombea urais kwa tiketi ya Chadema, Dk. Willibrod Slaa, amelazwa katika Hospitali ya Taifa, Muhimbili. Blogu hii ilizungumza na Dk Slaa hospitalini hapo, akasema alilazwa jana Jumatatu kwa ajili ya matibabu ya mkono wake uliovunjika mfupa wa juu ya kiwiko wiki moja iliyopita. Kwa maelezo yake, alishauriwa na daktari aliyemfunga 'mhogo' (POP) katika hospitali ya Bugando, Mwanza, kwamba alipaswa kurejea hospitali kwa uchunguzi mwanzoni mwa wiki hii. Alikwenda Muhimbili mara baada ya kuchukua fomu ya kugombea urais kutoka Tume ya Taifa ya Uchaguzi, jana Jumanne.

Habari za kulazwa kwa Dk. Slaa zilipowafikia mashushushu wa CCM na marafiki wa mafisadi, zilipokelewa kwa hisia za kishabiki, hata baadhi yao wakadiriki kueneza uvumi kwamba Dk. Slaa yu mahututi. Mwenyewe alipozungumza na blogu hii kwa simu alisema: "Siko mahututi. Ni jambo la kawaida, nililazimika kurudi hospitali kwa ajili ya kufanyiwa matibabu ya ziada, ikiwa ni pamoja na kufungua POP."

Akiwa Muhimbili, Dk Slaa anaweza ama kufungwa POP jingine au kufanyiwa pia upasuaji mdogo ili kuwezesha mkono kupona haraka. Alisisitiza kwamba kulazwa kwake hakuathiri mchakato wa maandalizi ya kampeni zake; na kwamba alikuwa akifanya kazi kwenye kompyuta yake kama anavyoonekana kwenye picha hii, iliyopigwa na Joseph Senga leo Jumanne jioni katika wodi binafsi, F, hospitalini Muhimbili.

Lipumba achukua fomu za urais

2010-08-06T12:25:00.002+03:00

Mgombea urais kwa tiketi ya Chama cha Wananchi (CUF) jana alichukua fomu kutoka Tume ya Taifa ya Uchaguzi (NEC). Alisema anagombea urais ili kukuza mapambano dhidi ya mafisadi.

Michelle Obama kanogewa Ikulu?

2010-08-06T09:34:00.001+03:00

Michelle Obama ameanza kunogewa manono ya Ikulu? Soma HAPA uone jinsi vyombo vya habari vinavyoanza kummulika na kumjadili.

Kikwete aogopa mdahalo tena

2010-08-06T09:08:00.004+03:00

KAMA alivyofanya mwaka 2005, mgombea urais kwa tiketi ya Chama Cha Mapinduzi (CCM), Rais Jakaya Kikwete, ameogopa mdahalo na wagombea urais wenzake kutoka vyama vya upinzani. Taarifa ya Kikwete kuogopa mdahalo huo ilitolewa na Katibu Mkuu wa CCM, Yusuph Makamba na Naibu Mkuu wa Kitengo cha propaganda wa CCM, Tambwe Hiza, jana Agosti 05/08/2010, Dar es Salaam. Kikwete anakimbia mdahalo huo wakati maandalizi yakiendelea, huku mgombea wa Chama cha Wananchi (CUF) Prof. Lipumba na mgombea wa Chama cha Demokrasia na Maendeleo (Chadema) Dk. Willibrod Slaa wakisisitiza kuwa wanataka mdahalo huo ili wananchi wawapime kwa hoja. Hata hivyo, kukimbia kwa Kikwete hakutazuia mdahalo kuendelea. Wenzake watapewa fursa hiyo adhimu, na iwapo watamjadili in absentia atakuwa amepoteza fursa muhimu sana ya kujenga hoja na kujitetea kwa hoja zinazoelekezwa kwake na chama chake. Mwaka jana, aliyekuwa Waziri Mkuu wa Uingereza, Gordon Brown wa Uingereza alianza kwa kukataa kushiriki mdahalo (ambao ulifanyika mwaka huu), lakini baadaye alikubali na kushiriki, na alifanya vizuri, ingawa hatimaye hakushinda uchaguzi. Lakini kwa jinsi washindi (Conservative) walivyokosa kura za kutosha kuunda serikali peke yao kama walivyotarajiwa, ni ishara kwamba mdahalo na utendaji wake waktia masuala mengine, hasa uchumi, vilimwinua Brown, akaungwa mkono na sehmu kubwa ya umma uliokuwa unambeza awali. Je, Kikwete ataendelea kuogopa na kupoteza fursa hii?

Dk. Slaa afunika Moshi

2010-08-06T08:53:00.008+03:00

Sehemu ya umati wa wakazi wa mji wa Moshi, wakisikiliza hotuba ya mgombea urais wa Jamhuri ya Muungano kupitia Chama cha Demokrasia na Maendeleo (CHADEMA), Dk. Willibrod Slaa (hayupo pichani), wakati wa mkutano wa kuomba udhamini, kwenye Uwanja wa Manyema mjini Moshi 05/08/2010. (Picha zote na Joseph Senga)

Mgombea urais wa Jamhuri ya Muungano, kupitia Chama cha Demokrasia na Maendeleo (CHADEMA), Dk. Willibrod Slaa, akihutubia katika mkutano wake wa hadhara wa kuomba kudhaminiwa, uliofanyika kwenye Uwanja wa Manyema mjini Moshi 05/08/2010.

Mwenyekiti wa CHADEMA), Freeman Mbowe, akihutubia maelfu ya wakazi wa mji wa Moshi, katika mkutano wa hadhara wa kuomba udhamini wa mgombea urais wa chama hicho, Dk. Willibrod Slaa, uliofanyika kwenye Uwanja wa Manyema mjini Moshi 05/08/2010.

Msafara wa mgombea urais kupitia CHADEMA, Dk. Willbrod Slaa, ukipita katikati ya mji wa Moshi, mara baada ya kuwasili kwenye Uwanja wa ndege mjini humo, ambako alihutubia mkutano wa hadhara wa kuomba kudhaminiwa, kwenye Uwanja wa Manyema jana, huku ukisindikizwa na helikopta (juu) 05/08/2010.

Makamu Mwenyekiti wa CHADEMA, Said Arfi, akihutubia maelfu ya wakazi wa mji wa Moshi na vitongoji vyake, katika mkutano wa hadhara wa kuomba udhamini kwa mgombea urais kupitia chama hicho, kwenye Uwanja wa Manyema 05/08/2010.

Dk Slaa mjini Mtwara na Songea

2010-08-04T20:06:00.007+03:00

Dk. Willibrod Slaa katika msafara uliompokea mjini Songea (04/08/2010)

Dk. Slaa akihutubia wananchi mjini Songea (04/08/2010)

Dk. Slaa, akihutubia wananchi na kuomba udhamini mjini Mtwara (04/08/2010)

Dk. Slaa aiteka Mbeya

2010-08-03T20:39:00.007+03:00

Picha hizi mbili zinaonyesha sehemu tu ya umati wa wakazi wa Mbeya mjini uliompokea Dk.Willibrod Slaa kumdhamini ili agombee urais 2010 kupitia Chadema (03/08/2010)

Dk. Slaa mgombea urais Chadema 2010

2010-08-02T19:47:00.002+03:00

Huyu ndiye Dk. Willibrod Slaa, mgombea urais kupitia Chama cha Demokrasia na Maendeleo (Chadema).

Dk. Shein apeta

2010-07-09T22:15:00.006+03:00

CCM Zanzibar wamepata mgombea urais. Matokeo ya kura za NEC Dodoma yanasema hivi: Shein 117: Bilal 54: Nahodha 33.

Hata hivyo, taarifa kutoka ndani ya vikao vya CCM zinasema Dk. Bilali alipata kura 119 kutoka wa wajumbe. Akafuatiwa na Dk. Shein (63) na Nahodha (22). Hayo ndiyo maajabu ya CCM, ma ndiyo maana Wazanzibari hawakosi kulalamikia kitendo cha rais wao kuchaguliwa Dodoma badala ya Zanzibar. Na hivi ndivyo Dk. Bilali alivyozibwa mdomo kwa kupewa nafasi asiyoitaka ya kuwa mgombea mwenza wa JK.

URAIS Z'BAR: Dk. Shein akamiwa

2010-07-07T19:23:00.002+03:00

BAADHI ya wanaCCM Zanzibar waliopo Dodoma wametishia kumburuza mahakamani Dk. Mohammed Gharib Shein na kuzuia uchaguzi iwapo chama kitampitisha kugombea urais. Wengine walio Zanzibar wanaendelea kusambaza vipeperushi vinavyokihamasisha Chama cha Wananchi (CUF) kijiandae kuingia madarakani ikiwa Dk. Shein atapitishwa kugombea urais. Wanadai Shein si chaguo la Wazanzibari, bali la vigogo wa Bara na Rais Amani Karume. Na baadhi yao wananukuu Katiba ya Zanzibar ya mwaka 1984 kuthibitisha kwamba Dk. Shein "amepoteza sifa" ya kugombea urais kwa kuwa amejiandikisha kupiga kura Bara. Ama kweli wamemkamia.

Mdahalo wa wagombea urais Zanzibar

2010-07-04T19:11:00.004+03:00

Taasisi huru ya habari nchini, Vox Media Centre Ltd, kwa kushirikiana na kituo cha Televisheni cha Star Tv, jana Jumapili, Julai 4, 2010ilifanya mdahalo kwa wagombea urais wa Zanzibar kupitia Chama Cha Mapinduzi (CCM), katika Hoteli ya Ocean View Hotel, saa 3.30 asubuhi hadi 7.00 mchana. Mdahalo huo, ambao ni wa kwanza katika historia ya siasa za Zanzibar, utarushwa na kituo cha Star Tv baadaye katika wakati utakaotangazwa baadaye mwanzoni mwa wiki hii. Wanahabari wengi za Zanzibar walishiriki, na kituo cha redio cha HITS FM kilirusha moja kwa moja matangazo ya mdahalo huo. Huu ni wa kwanza katika mlolongo wa midahalo ya kisiasa inayotarajiwa kufanyika mwaka huu kuelekea Oktoba 2010. Star Tv watarusha mdahalo huo Jumatano saa 4.30 - 5.30 usiku.

Raila Odinga apasuliwa kichwa

2010-06-29T20:30:00.001+03:00

SOMA habari zake hapa.

Urafiki huu ni wa kweli?

2010-06-29T20:17:00.002+03:00

Ama kweli, swala huyu ana bahati isiyo ya kawaida ya "kupendwa" na chui!

Ya Italia na Ufaransa

2010-06-25T17:07:00.004+03:00

Mtu mmoja ameandika katika tovuti ya BBC, akizungumzia timu za Italia na Ufaransa, na kulinganisha nguvu ya timu hizo katika fainali mbili. Anasema:"Inashangaza kidogo kwamba katika fainali za 2006, Italia na Ufaransa walikutana uwanjani katika mechi ya mwisho ya fainali; katika fainali za mwaka 2010, timu hizo hizo zimekutana uwanja wa ndege" (wakiwa safarini kurejea makwao baada ya wote wawili kutolewa katika hatua ya awali).

Siasa za JK na mwanaye

2010-06-21T22:15:00.002+03:00

RAIS Jakaya Kikwete amemkabidhi mtoto wake Ridhiwani, fomu za kumuombea wadhamini 250 kwa mikoa 10 nchini ili kutimiza vigezo vya kuwa mgombea urais kupitia Chama Cha Mapinduzi (CCM. Hafla ya makabidhiano hayo ilifanyika nyumbani kwake mjini hapa ambapo zaidi ya vijana 40 watakaoongozwa na Ridhiwani walihudhuria. Mtoto huyo wa rais Kikwete, amechaguliwa kuwa kiongozi wa vijana katika kuhakikisha mgombea huyo anapata wadhamini wa kutosha kwa mujibu wa sheria na kanuni za CCM.

Kwa habari zaidi soma magazeti. Mzee wa Maswali Magumu amelijadili hili kwa kifupi.

The best thing: Brazil is winning

2010-06-21T05:36:00.002+03:00

Nimefurahishwa na jinsi jamaa huyu alivyoripoti stori ya mechi kati ya Brazil na Ivory Coast.

Mke mdogo wa Kikwete huyu hapa

2010-06-14T11:15:00.003+03:00

Saa mbili za Maradona

2010-06-12T20:59:00.002+03:00

SOMA hapa ujue kwa nini Kocha wa Timu ya Taifa (Soka) ya Argentina, Diego Maradona, anapenda kuvaa saa mbili - moja kila mkono.

'Kichwa cha Zidane' chatukuzwa

2010-06-09T12:18:00.003+03:00

Tazama wenzio wanavyokitumia kutangaza biashara zao na kuvuna mapesa. PICHA YA KWANZA PICHA YA PILI. PICHA YA TATU.

Ziro ya Sumaye na Ombwe la Kikwete, kipi bora?

2010-06-03T15:49:00.004+03:00

SOMA mjadala mpya kuelekea Uchaguzi Mkuu 2010. Usikose pia kusoma ONYO hili kwa Watanzania. Linakuhusu. Katika kuendeleza mjadala, Mtanzania mwingine amemtaka Rais Mstaafu, Benjamin Mkapa, aokoe jahazi. Kwa vipi? Soma HAPA.

Waingereza wapata serikali mpya

2010-05-12T10:34:00.002+03:00

Mseto huu waweza kuwa bora kuliko miseto ya Kenya na Zimbabwe? Fuatilia muundo wa serikali mpya inayoongozwa na David Cameron.

Uchaguzi Mkuu: Mdahalo wa wanasiasa Uingereza

2010-04-23T09:49:00.003+03:00

Watazame, wasikilize na watathmini wanasiasa hawa wanaogombea ukubwa wakijieleza katika mdahalo wao wa pili. Ni David Cameron (Conservative), Gordon Brown (Labour) na Nick Clegg (Lib Dem).

Mourinho haishiwi hoja kwa waandishi

2010-04-20T16:53:00.003+03:00

Wakati Inter Milan na Barcelona zikijiandaa kuchuana katika ngwe ya kwanza ya nusu fainali, Kocha wa Inter, Jose Mourinho, amezungumza na waandishi kwa kujiamini. Msome hapa.. Na baada ya kuifunga Barcelona, aliwasifu vijana wake na kuwaponda washindani, lakini akaonya kuwa safari ya kuelekea Madrid bado ndefu. Naye Rais wa Klabu, Massimo Moratti, aliwasifu Inter, akammwagia sifa kocha, akisema: "wanatisha."

Waingereza wacharurana kwa mdahalo

2010-04-16T19:59:00.002+03:00

Fuatilia habari zao hapa.

Mgeni mwingine

2010-04-08T00:22:00.003+03:00

Wageni bado wapo. Huyu ninayezungumza naye ni Maria Drantenberg, raia wa Norway, ambaye alinitembelea ofisini kwangu (06.Aprili.2010) kujadili hali na maendeleo ya vyombo vya habari na demokrasia Tanzania.

Kigogo wa kwanza CCM ajiunga CCJ

2010-03-31T16:03:00.003+03:00

Ni Mbunge wa Kishapu, Fred Mpendazoe, ambaye amevijua uanachama wa Chama Cha Mapinduzi (CCM), na kwa mantiki hiyo, kujivua ubunge. Ameandika historia. Na habari zinasema kuwa vigogo wengine wanajiandaa kumfuata. Tusubiri tuone.

Makundi matatu ambayo Rais Kikwete anapaswa kuyaogopa

2010-03-27T23:56:00.001+03:00

Ni haya hapa.

Tunajadili utendaji wa vyombo vya habari

2010-03-18T17:04:00.002+03:00

Katika picha hii, nafafanua jambo kwa mgeni wangu Anni Lyngskaer, raia wa Denmark aliyenitembelea ofisini kwangu, kujadili utendaji wa vyombo vya habari nchini. (Picha kwa hisani ya Francis Dande Machi 17, 2010)

Wakaukosa mpira, wakatwangana wenyewe

2010-03-15T22:20:00.004+03:00

Watatu wanamkaba mmoja kwa kuwa alikuwa anatisha! Mshambuliaji mahiri wa Salehe Mohammed wa Free Media FC (mwenye njano) akikabiliana na mabeki wa Mwananchi FC. 13.03.2010, Uwanja wa Sigara, Dsm.

Huu ndiyo mwisho wa Beckham kucheza soka?

2010-03-15T20:46:00.002+03:00

Fuatilia uchambuzi huu.

Hata kabumbu twasakata

2010-03-15T16:39:00.006+03:00

Mnamzungumzia Drogba? Wapo wengine, hata kama hawavumi! Siku zinasogea, lakini stamina haijapotea kabisa. Anza na hiyo. Nyingine zitafuata za Machi 13, 2010 (Free Media vs Mwananchi). Tulifungana idadi hii ya magoli. Wengine tuliacha vipande vya miguu uwanjani.

Michelle Obama amtania Hillary Clinton

2010-03-12T15:59:00.001+03:00

'Ilikuwa kidogo tu niseme Rais Clinton'

Rais Kikwete aungame kwanza

2010-03-02T10:55:00.002+03:00

Kwanini aungame? Soma hapa

Wabunge wetu vibogoyo

2010-02-18T06:54:00.003+03:00

Nani amewang'oa meno wabunge wetu? Na tukilinganisha wabunge bubu na vibogoyo, nani zaidi?

Wamerekani wanataka nini Tanzania?

2010-02-07T13:08:00.001+03:00

SIFA hizi wanazotumwagia ni za nini? Nadhani wana lao jambo.

Mbaya kwa wanaotaka kusomea Uingereza

2010-02-07T13:04:00.002+03:00

Waingereza wanaendelea kutufungia mipaka kwa kuweka masharti magumu zaidi dhidi ya wanaotaka kusomea Uingereza. Ipate hapa.

Misri katika 10 bora za Fifa

2010-02-03T21:54:00.001+03:00

Soma hapa upate pia zilizopanda na zilizoshuka Afrika.

Ngoma ya Dodoma ichezewe Unguja?

2010-01-30T22:03:00.000+03:00

Dare s Salaam

WANAOTILIA shaka hoja yetu ya muda mrefu kuwa Tanzania inakabiliwa na ombwe la uongozi, watazame kinachoendelea ndani ya Chama Cha Mapinduzi (CCM) na serikali.

Chama tawala kinaendelea kumeguka. Mwenyekiti hajui aunge mkono kundi gani katika mmeguko huo.

Anaitisha vikao vikuu vya chama, wasaidizi wake wanamgomea, naye anaviahirisha. Wabunge wa chama tawala wanamgomea Waziri Mkuu (mwenyekiti wao) wakipinga muswada wa gharama za uchaguzi. Chama tawala kinaweweseka na kutishwa na “chama hewa” cha CCJ, ambacho kimekwua gumzo nchi nzima kwa wiki nzima, ingawa hakijasajiliwa.

Hiki ni chama ambacho kimekufa kabla ya kuzaliwa, maana wenye chama chao wamekosa ujasiri wa kujitambulisha na chama chao. Wamekikana.

Lakini CCM imekiogopa mno kiasi cha kusambaza waraka nchi nzima kuwaonya wanachama wake dhidi ya CCJ; huku ikijua ifika kuwa wanachama wa CCJ ndio hao hao wa CCM!

Chama imara, chenye uongozi imara, kisingepata kizunguzungu kwa hisia za kuundwa kwa chama kingine. Lakini CCM kimetudhihirishia kwamba nguvu pekee inayokipa uhai ni dola.

CCM bila dola – bila majeshi, bila tume za uchaguzi, bila serikali na taasisi nyingine zinazokitegemeza – hakipo.

Yanayokitikisa CCM ni mengi, hata nguvu ya chama chenyewe upande wa Zanzibar, ambayo sasa imeakisi nguvu halisi ya Rais wa Zanzibar, Amani Abeid Karume.

Rais Karume ametunisha msuli, CCM (Bara) imenywea; Serikali ya Muungano imenyong’onyea. Na kwa hali ya kisiasa ya sasa nchini, tunaweza kusema kwamba walau sasa Karume ameonyesha maana ya kuwa rais wa nchi.

Rais wa nchi ni yule anayesimama kidete kutetea kwa nguvu zote masilahi ya watu wake, hata ikibidi atofautiane na wenzake.

Rais Karume ameona bora kutofautiana na viongozi wenzake wa Muungano, iwapo kwa kufanya hivyo, ataweza kutetea maslahi ya kile kinachomfanya aitwe rais.

Katika miezi miwili iliyopita, Karume amekuwa na utambuzi wa ajabu wa nguvu na umuhimu wake katika siasa za Tanzania. Amekohoa, wenzake wa Bara wamepata mafua!

Ameamua kuwa muasi. Sasa wao wanamuita msaliti. Lakini hakuanza leo. Kumbukumbu zinaonyesha kuwa usaliti wa Karume ulianzia Butiama, mwanzoni mwa mwaka 2008, alipoathiri mwelekeo wa hoja ya serikali ya mseto Zanzibar; akapendekeza isitekelezwe bila kura ya maoni.

CCM, ambayo ilikuwa imeshaafikiana na Chama cha Wananchi (CUF) kupitia kamati ya mwafaka, kwamba iwepo serikali ya mseto Zanzibar, ilinywea na kuimba wimbo wa Karume.

Kwa hiyo hata sasa hivi, (wapinzani wa Karume) wanapojitapa kwamba wanafuata maazimio ya Butiama, ukweli ni kwamba wanafuata mapendekezo ya Karume. Na yeye anayasisitiza maazimio hayo kwa sababu ni zao la maoni yake. Hajapoteza!

Bahati mbaya Karume alichelewa kutambua nguvu yake. Siku zote alijiona yeye ni makamu mwenyekiti wa CCM, Visiwani. Alisahau kwamba yeye ni rais, kiongozi wa nchi.

Wengine tunadhani kwamba kilichomfanya awe mnyonge ni mchakato wa kisiasa uliomfikisha Ikulu. Haukuwa mchakato sahihi, wala haukuwa huru na wa haki. Alijua kuna walioshinda na waliotawala. Yeye alikuwa kwenye kundi la watawala, lakini hakuwa katika kundi la washindi.

Imemchukua miaka tisa (9) kujiamini na kutumia urais wake kutetea Wazanzibari. Katika miaka tisa iliyopita, ngoma ilikuwa inapigwa Dodoma, Karume anaichezea Zanzibar.

Sasa ameshtuka. Ameamua ngoma ya Wazanzibari ipigwe na kuchezewa Unguja! Ametuma ujumbe mzito kwa CCM na serikali. Wenye akili wameshaupokea; kwamba si haki na si sahihi kwa CCM kumchukulia Karume kama wanavyomchukulia Makamu Mwenyekiti wa CCM, Bara, Pius Msekwa, au Katibu Mkuu wa CCM, Yusuph Makamba.

CCM (Muungano) ilipoandaa vikao vya Kamati Kuu na Halmashauri Kuu Wazanzibari wakagoma ikaahirisha, na baadaye ikaandaa kikao cha dharura Karume na wenzake wakagoma kuhudhuria, ikaahirisha tena; imedhihirisha kwamba haiwezi kwenda bila nguvu ya Karume.

Sisi siri kwamba kama Karume angehudhuria vikao hivyo, wenzake wa Bara wangevitumia (kwa wingi wao na ubabe wa kihistoria) kumbana na kumwadabisha.

Kwa hatua yake ya sasa, ya kuwagomea na kuitisha kikao maalumu huko Zanzibar, amethibitisha kwamba ana uwezo wa kuzichonga siasa za Zanzibar zikawa tofauti na jinsi ambavyo wenzake wasio Wazanzibari wanataka ziwe.

Amewafungua macho wana CCM wenzake wa Zanzibar kwamba wakiamua, wanaweza kuleta mageuzi makubwa katika taifa lao. Sasa wametambua, na wamedhihirisha kwamba wao si mkoa ndani ya Tanzania, bali ni taifa ndani ya taifa.

Wana serikali yao; katiba yao; bendera yao; Bunge (Baraza la Wawakilishi) lao; tume yao ya uchaguzi; wimbo wao wa taifa.

Utaifa huu wa Zanzibar ndiyo uliowafanya Karume na hasimu wake mkuu kisiasa, Katibu Mkuu wa CUF, Maalim Seif Shariff Hamad, kukutana na kujadili mustakabali wa taifa lao.

Kwa Karume na Maalim Seif, Uzanzibari wao ni muhimu kuliko Utanzania wao. Imesemwa mara nyingi, na sasa wao wamethibitisha, kwamba linapofika suala la maslahi ya Zanzibar, CUF na CCM ni kitu kimoja.

Kwao, maendeleo ya Zanzibar, kwa muda mrefu, yameathiriwa na kile wanachokiita “ukoloni wa Bara.” Hawa ni watu wanaopigana kujinasua kwenye “ukoloni” wa Serikali ya Muungano.

Ndiyo maana Karume na Maalim Seif wameungana sasa. Kwao, Zanzibar kwanza; Tanzania baadaye.

Si hilo tu, lakini pia wanazingatia ukweli kuwa Wazanzibari wasipoamua kushughulikia matatizo yao wenyewe, wakiamua kuwaachia wabara wayamalize kwa niaba yao, hayatakoma.

Wamechoka kuendesha siasa za Zanzibar kutoka Dodoma; maana wanaweza kufanya hivyo wakiwa Unguja.

Rais Karume aliingia madarakani kwa nguvu, jeuri na aibu. Sasa anajiandaa kuondoka madarakani kwa heshima na utukufu uliowashinda watangulizi wake.

Watafiti na wachambuzi wa masuala ya kisiasa Zanzibar wanajua na wamesema mara kadhaa kwamba Rais Karume aliupata urais wake bila ushindi utokanao na wingi wa kura halali.

Sasa amepata ushindi dhidi ya nguvu kongwe za CCM zitokazo katika Serikali ya Muungano (Bara), na ameanza kushinda hila za wasaidizi wake na washindani wake wa Zanzibar wanaohaha kumrithi baadaye mwaka huu.

Karume huyu hawezi kuendeshwa kwa maazimio yanayotokana na ushawishi au nguvu ya hoja za akina Msekwa au Katibu Mkuu wa CCM, Yusuph Makamba. Kwake, hawa nao ni sehemu ya “wakoloni” hao wa Muungano.

Ndiyo maana wanaojua siasa za Zanzibar wanakiri kwamba kama Karume asingekuwa nyuma ya ajenda ya CUF kutaka katiba irekebishwe, kuanzishwe serikali ya mseto na mchakato huo usimamiwe na Karume mwenyewe, wana CCM katika Baraza la Wawakilishi wasingeunga mkono hoja ya chama hicho cha upinzani.

Na kama kuna ujumbe CCM inapaswa kuupata kutoka kwenye uamuzi wa baraza kuridhia hoja ya CUF ni mmoja – kwamba umma wa Wazanzibari sasa unaandaliwa kwa kura ya maoni itakayokuwa kama watakavyo watawala.

Ndiyo maana baadhi yetu tunaiona serikali ya mseto Zanzibar inakuja. Ndiyo tafsiri ya kauli ya Karume kwamba rais kutoka Pemba si dhambi. Ndiyo maana naye sasa ana ujasiri wa kuimba wimbo ule ule wa wapinzani, wa muda mrefu, kuwa mafuta ya Zanzibar (kama yapo) yasiwe suala la Muungano.

Wala hatulalamiki, maana huu ni uamuzi uliochelewa. Zanzibar yenye amani haiwezi kuongozwa kwa siasa za ubabe, jeuri, vinyongo na visasi. Wala haiwezi kuwa chini ya chama kimoja tu, maana hata wanaotangazwa kuwa wameshindwa wanakuwa na karibu nusu ya kura zote zilizopigwa.

Lakini kuna jambo ambalo CUF wanalisisitiza; kwamba baada ya miaka 10 madarakani, Rais Karume hana tena uchu wa madaraka. Amekua, ameongoka na yuko tayari kutambua na kutimiza matakwa ya Wazanzibari.

Yupo tayari kuwaunganisha Wazanzibari na kustaafu kwa mbwembwe. Anatafuta ushujaa ambao rais yeyoye mpya atakayeingia madarakani angependa kuutafuta baada ya miaka 10 Ikulu.

Kwa hiyo, ni vema Karume anayemaliza na mwenye nia, apewe fursa (ya walau miezi 6 hadi miaka miwili) asimamie utekelezaji wa makubaliano yake na Maalim Seif.

Katiba irekebishwe, sheria za uchaguzi zirekebishwe, tume ya uchaguzi irekebishwe, wapiga kura wandikishwe upya (vema) na kadhalika. Baada ya hapo, uitishwe uchaguzi huru na wa haki; atakayeshinda amkaribishe aliyeshindwa (maana itakuwa kwa asilimia ndogo tu) waunde serikali ya mseto.

Mwisho wa yote, Karume atastaafu kama shujaa; na Wazanzibari watakuwa wameanza siasa mpya za ushindani usio na uhasama. Nani asiyeitaka Zanzibar ya namna hii?

Ni wazi, wapo baadhi wanaonufaika na siasa za Zanzibar kwa jinsi zilivyo leo. Wapo pia wanaojiandaa kugombea urais baada ya Karume, na wasingependa kuendeleza urithi wa Karume na Maalim Seif.

Kete yao ni moja. Iwapo Karume ataondoka bila kuyaingiza kwenye mfumo mazungumzo yake na Maalim Seif, yatafutika siku ya kwanza ya utawala mpya, naye ataishi maisha ya kula pensheni ya aibu.

Hadi sasa, Karume, kwa hiki kidogo alichofanya, amekuwa shujaa mbele ya Watanzania wengi. Amefuta aibu ya muda mrefu, na amevaa ujasiri wa ajabu unaojitokeza kwa sura ya uasi na usaliti.

Akitaka kuupoteza ushujaa wake huu, alegeze kamba, apoteze nia, awasikilize wanaomsonga kutoka Bara na visiwani. Aatapoteza ushujaa na heshima yake binafsi, na ataitokomeza amani ya Zanzibar ambayo sasa iameanza kuchanua.

Wakristo wanaamini kwamba kama Yuda asingemsaliti Yesu, kile wanachokiita ukombozi wao kisingepatikana. Yawezekana Karume pia amegundua kwamba asipomsaliti Rais Jakaya Kikwete na CCM yake, ukombozi wa Wazanzibari hautapatikana.

Kwa nini asiasi kama amegundua kuwa wakubwa hawana nia njema na Zanzibar? Na kama tunataka ukombozi wa Zanzibar, kwa nini tusimsaidie Karume kuwadhibiti “wahuni” wa Bara wanaohaha kumzuai asiasi zaidi?

ansbertn@yahoo.com +255 653 172 665

Sindiketi za watawala

2009-12-19T16:04:00.003+03:00

Maswali Magumu wiki hii: Baada ya miaka takribani 15 ya mtandao, baada ya kuonja madhara yake, sasa watawala wameunda sindiketi. Tuwasaidieje?

Wakubwa waumbuliwa na vitu vidogo vidogo

2009-12-17T06:03:00.003+03:00

Rais George W. Bush aliumbuliwa na mlango. Baadaye aliumbuliwa na kiatu. Gordon Brown na Al Gore waliumbuliwa na mlango.

Waitaliano wambonda Waziri Mkuu wao

2009-12-14T11:15:00.002+03:00

Nilipoandika kujadili tukio la msafara wa Rais Jakaya Kikwete kurushiwa mawe mkoani Mbeya, mwandishi mmoja aliandika kunijibu akisema, 'Ansbert, rais hapigwi mawe.' Hata hivyo, tayari rais alikuwa ameshapigwa mawe! Lakini wakati ule sikujua pia kwamba wapo wenzetu ambao wameshavuka enzi za mawe, sasa wanarusha hata makonde kwa 'marais' wao. Tazama Waitaliano walimvyomtwanga na kumtoa damu Waziri Mkuu wao, Silvio Berlusconi. Nadhani dunia ya kisiasa inabadilika kwa kasi ya ajabu!

Kwanini tuchague jiwe?

2009-12-07T11:52:00.000+03:00

Imerudiwa kutoka Desemba 23, 2007.

Tumpate mrithi wa Kikwete nje ya CCM

2009-11-29T16:59:00.000+03:00

SOMA hapa

Chafya ya Rais Mkapa

2009-11-29T16:57:00.001+03:00

Hivi ni nani miongoni mwa vigogo mafisadi anayeweza kustahimili chafya ya Rais Mstaafu Benjamin Mkapa?

Chafya ya Rais Mkapa

2009-11-22T19:12:00.001+03:00

Ole wao Mkapa akipiga chafya!