Adui wa Kikwete si Karume

Kama Rais Jakaya Kikwete anataka kumaliza mpasuko wa kisiasa Zanzibar, huku Rais Amani Karume anakataa, na Kikwete anakubali kugomewa kama ilivyotokea Butiama majuzi; ni nani adui wake katika hili?

Mugabe kama Kibaki?

UCHAGUZI Mkuu wa Zimbabwe unaelekea kwenye mkondo ule ule wa Kenya. Tume ya Uchaguzi inatoa matangazo kwa jinsi inayotia wasiwasi. Lakini dalili zinaonyesha upinzani umechukua viti vingi zaidi au umeshinda. Baadhi ya taarifa zinasema hadi sasa, upinzani umepata viti vingi zaidi (74); chama tawala ZANU-PF cha Rais Robert Mugabe kina viti 64. Mawaziri watatu wa Rais Mugabe wameangushwa. Kura za urais bado ni siri ya tume, lakini upepo unaonyesha mambo ni magumu kwa Mugabe, na tetesi ni kwamba tume inajaribu kumfanyie kile ambacho ile ya Kenya ilimfanyia Mwai Kibaki, ikamtangaza mshindi akiwa na kura chache zenye utata. Taarifa nyingine zinasema tayari Mugabe ameshajulishwa kwamba ameshindwa, na watu wake wanajadiliana namna ya kukabidhi madaraka kwa mshindi. Maana tayari upinzani umeshaanza majadiliano na majeshi ya Zimbabwe. Tusubiri!

Nyerere ataka kijiji, Kikwete mji

Nyerere hakutaka Butiama iwe makao makuu

Na Beldina Nyakeke, Musoma

CHIFU wa Kabila la Wazanaki, Japhet Wanzagi amesema azma ya Rais Jakaya Kikwete kukifanya kijiji cha Butiama kuwa makao makuu ya Wilaya ya Musoma Vijijini, inapingana na mpango wa Baba wa Taifa, Mwalimu Julius Nyerere.

Wanzagi ambaye pia ni Mwenyekiti wa Ukoo wa Burito Nyerere, amesema mpango wa Mwalimu Nyerere ulikuwa ni kuifanya Butiama kuwa kijiji cha historia, kinyume na azma hiyo ya Rais Kikwete.

Chifu huyo alisema hayo alipozungumza na waandishi wa habari kuhusu kauli ya Rais Kikwete ambaye pia ni Mwenyekiti wa Chama cha Mapinduzi (CCM) aliyoitoa wakati wa ufunguzi wa mkutano wa Halmashauri Kuu ya chama hicho kijijini Butiama hivi karibuni.

Wanzagi alisema kimsingi hapingani na azma ya Rais Kikwete ya kutaka kumuenzi Mwalimu Nyerere kwa kufanya mambo mbalimbali, ikiwamo kukifanya kijiji cha Butiama kuwa makao makuu ya wilaya, lakini akasisitiza kuwa anao ushahidi ingawa si wa maandishi ambao kabla ya kifo chake, Mwalimu Nyerere aliwahi kumweleza nia na madhumuni ya kukifanya kijiji hicho kuwa cha kihistoria.

Alisema katika nia hiyo, Mwalimu Nyerere alipendekeza kijiji cha Kiabakari kilicho jirani na Butiama ndio pawe makao makuu ya wilaya.

Wanzagi alisema endapo serikali itaamua kukifanya kijiji hicho kuwa makao makuu ya wilaya, upo uwezekano wa kuchanganya mila na desturi za makabila mbalimbali kijijini hapo kutokana na muingiliano wa watu watakaohamia katika mji huo hali ambayo Mwalimu Nyerere hakupenda iwepo.

"Ninao ushahidi japo si wa maandishi. Na sijui hata kama Mama (Mama Maria) anajua kuwa mzee hakupeda kijiji cha Butiama kuwa mji. Maana aliniambia kuwa Butiama itakapokuwa mji, basi kutakuwepo na muingiliano wa watu wa makabila mbalimbali na kupoteza uasilia wa kijiji chetu ambapo alitolea mfano jiji la Dar es Salaam, ambalo kutokana na muingiliano wa watu, wenyeji wa pale, yaani wazaramo, wamehama na kusogea nje kabisa ya jiji," alisema.

Katika hotuba yake wakati wa ufunguzi wa mkutano wa NEC, Rais Kikwete alisema ili kumuenzi Mwalimu Nyerere, serikali itakapofikia uamuzi wa kuigawa wilaya ya Musoma Vijijini, Butiama lazima kiwe makao makuu ya wlilaya na kuungwa mkono na mkutano huo na kuiagiza serrikali kufanya haraka kutekeleza pendekezo hilo.

Katika hatua nyingine, Chifu Wanzagi, aliitaka serikali kuwawezesha wakulima kwa kuwapa mahitaji muhimu ikiwa ni pamoja na pembejeo ili kuboresha kilimo.

Habari hii nimeichukua kutoka Tovuti ya Mwananchi kwa sababu za kihistoria. Nimeona ni vema iwekwe mahali ambapo hata tukiitaka kufanyia marejeo tutaipata, maana tovuti ya Mwananchi haitunzi habari zilizopita. - Mhariri.

Mwinyi amtosa Kikwete?

HABARI za uhakika zinasema kuwa baadhi ya marais na mawaziri wakuu wastaafu wa Tanzania wamegoma kwenda Butiama kushiriki vikao vya Kamati Kuu na Halmashauri Kuu (NEC) ya CCM. Siku chache zilizopita, baadhi yao, chini ya Mzee Ali Hassan Mwinyi, walikuwa na kikao cha dharura kujadili namna ya kuinusuru CCM kutoka kwa mafisadi. Rais Mstaafu Benjamin Mkapa na Waziri Mkuu Mstaafu Frederick Sumaye hawakualikwa. Wajumbe wa kikao cha Mwinyi waliazimia kutumia kikao cha Butiama kumlazimisha Rais Jakaya Kikwete achukue hatua mbili muhimu.

Kwanza, atumie mamlaka aliyonayo kuhakikisha vikao hivyo vinawavua uanachama wale wote waliotuhumiwa katika kashfa za EPA na Richmond. Pili, walitaka atumie nguvu hiyo hiyo, kumuondolea kinga Rais Mstaafu, Benjamin Mkapa, ili afikishwe mahakamani kujibu tuhuma zinazomkabili, na aweze kutoa ushahidi katika kesi ya Balozi Costa Mahalu ambaye amemtaja kama shahidi mkuu.

Ushauri walioupata kwa Mzee Joseph Sinde Warioba ni kwamba ikibidi, Mkapa aondolewe kinga kwa muda tu kwa ajili ya kesi ya Mahalu, halafu arejeshewe.

Katika kikao hicho, Mzee Mwinyi aliwashauri wenzake kwamba iwapo Kikwete atakataa kuchukua hatua hizo, itokee vurumai kubwa, hata kama itawalazimu kuivunja CCM na kuwa CCM A na CCM B. Wazo la CCM kuvunjika halikumpendeza Rais Mstaafu wa Zanzibar, Salmin Amour; kwa maelezo kuwa CCM ikivunjika itakuwa faida ya wapinzani, hasa Zanzibar.

Kwa hiyo, walikubaliana kuwa badala ya kuvunja chama, kama Kikwete hakubali ushauri wao, wao watagoma kushiriki kikao hicho. Alipokataa, kama walivyotarajia, wakaamua kutokushiriki.

Hata baada ya kuamua kutokwenda Butiama, hawakumtaarifu mwenyekiti wao (Kikwete). Alitaarifiwa na watu wa protokol walipokuwa wanaandaa usafiri wa wastaafu hao, huku kila mmoja akitoa udhuru wake papo hapo.

Baadhi yao, wakiwamo Mwinyi, Salim Ahmed Salim, Mkapa na Sumaye, wanasemekana kwenda nje ya nchi katika kipindi walichohitajika kwenda Butiama.

Sababu mojawapo ya Kikwete kukataa kuwachukulia hatua mafisadi wa EPA na Rihmond inasemekana ni hatua yake ya kuwalinda (au kuwaogopa) rafiki zake Edward Lowassa na Rostam Azizi ambao ni watuhumiwa wakuu wa Richmond. Na inasemekana sasa Kikwete amelazimika kuanza mkakati mpya wa kumbeba Lowassa, jambo ambalo limezua 'uhasama' kati yake (JK) na Spika wa Bunge, Samuel Sitta.

Kumeguka kwa wastaafu, hasa Mzee Mwinyi, kutoka kambi ya Kikwete, si habari ndogo. Inafikirisha na kuzua maswali magumu juu ya hatima ya chama na uongozi mzima wa Kikwete. Hadi habari hii inaandikwa, wastaafu walioonekana Butiama wakati kikao cha Kamati Kuu kinaendelea ni Rashid Kawawa, John Malecela na Gharib Bilal. Walio Butiama tuletee habari kuhusu Joseph Sinde Warioba na Cleopa Msuya.

Bado Sisi

Wakenya wamepiga hatua ambayo lazima tuionee wivu. Huko nyuma niliwahi kuandika kwamba kama tunatakakufanya mageuzi tujifunze Kenya. Lakini tunahitaji 'injini ya mageuzi'. Kenya walikuwa na injini yao, Raila Odinga. Sisi tunaye mtu wa aina hiyo? Ni nani? Ndiyo! Tunahitaji 'Mbegu ya Haradali'...

Mageuzi ya Kenya

Hatimaye mahasimu wa kisiasa nchini Kenya, Mwai Kibaki na Raila Odinga, wametiliana saini kuanzisha mchakato mpya wa mageuzi ya kisiasa nchini Kenya. Sasa (hata bila kusubiri hatua zijazo) tunaweza kuwaita Rais Kibaki na Waziri Mkuu Odinga . Wameandika historia. Dunia imeshuhudia. Je, Mkataba huu utadumu? Huko nyuma, Kibaki aliwahi kumsaliti Odinga. Je, sasa wanaaminiana, au wanategeana? Je, Afrika imejifunza lolote kutoka Kenya? Tujadili.

Lowassa nje, Pinda ndani: kashfa zinaendelea

Ripoti ya Dk. Mwakyembe kuhusu kashfa ya Richmond dhidi ya Waziri Mkuu Edward Lowassa na mshirika wake, Rostam Azizi, imezaa matunda. Tayari Lowassa amejiuzulu. Mimi nimempongeza Lowassa kwa kutusaidia kuvunja Baraza la Mawaziri. Mizengo Pinda ameteuliwa na kuthibitishwa kuwa Waziri Mkuu. Kinachoshangaza watu sasa ni kwamba Kikwete bado anamuonea huruma na kumtetea waziwazi Lowasa. Kuna nini? Au ina maana rais anawajua wahusika halisi wa kashfa hii? Je, kujiuzulu kwa Lowassa ndiyo mwisho wa hoja ya ufisadi wa serikali na CCM? Absalom Kibanda ana hoja yake katika 0001 na 0002. Wewe una maoni gani? Tujadili.

Kofi Anna bado amekwama Kenya

Ufumbuzi wa mgogoro Kenya bado ni mgumu. Mauaji yanaendelea, huku Mwai Kibaki na Raila Odinga hawajakubaliana mahali pa kuanzia mazungumzo, bado wanashitakiana kwa mauaji ya kimbari. Na kwa mara ya kwanza, mwansiasa, mbunge wa upinzani kauawa na kuibua ghasia mpya. Wakati huo huo, jamii inaendela kumshinikiza Kibaki ajitoe mhanga kuleta amani. Sasa Kofi Annan na timu yake ya wapatanishi wametoa ajenda ya mjadala wa usuluhishi. Itakubalika sawa kwa pande zote?

Tabasamu hili linaficha nini?

Kenyan embattled President Mwai Kibaki shakes hands with ODM leader Mr Raila Odinga at Harambee House, Nairobi, on Thursday. Picture by Govedi Asutsa. Source: The Standard Online, January 25, 2008. But mistrust still reigns. See here: 00. 01. 02. 03 04. 05. 06. 07. 08. 09. 10.

Raila ampeleka Kibaki kizimbani

Ukisikia Nguvu ya Umma ndiyo hii. Matukio haya yanaendelea kudhihirisha kwamba sasa Kenya inaongozwa na marais wawili. Mmoja wa kuchaguliwa na wananchi na mwingine wa kupachikwa na Tume ya Uchaguzi. Mmoja anashikilia na kutumia vyombo vya dola, mwingine anashikilia na kutumia imani ya wananchi. Acha Kibaki akae Ikulu, lakini kama analala usingizi, basi si binadamu mwenzetu. Moto bado unawaka, na kama mambo yataendelea hivi, na hasa baada ya ODM kumfikisha kizimbani, cha moto atazidi kukiona. Soma mwenyewe.

Wakati huo huo, mambo yanaanza kupata mwelekeo nchini Kenya baada ya Kofi Anna kuanza kazi ya usuluhishi na upatanishi. Baadhi ya mapya mpya haya hapa. 0. 1. 2. 3. 4. 5. 6. 7. 8. 9. 10.

CCM ya ufisadi na utumwa

Msanii huyu wamemnunua, wakampa ajira na uanachama, na wakamuahidi makubwa, halafu wakamnyima. Sasa ameamua kubwaga manyanga na kuwarudishia kadi yao. Nionavyo mimi, kununua na kuchuuza binadamu wenzetu ni ufisadi na ni utumwa unaoendekezwa na CCM ya Jakaya Kikwete na Yusuph Makamba. Soma na toa maoni yako.

Hongera Dk. Slaa

Kwamba Rais Jakaya Kikwete amemfukuza kazi Gavana wa Benki, Daudi Ballali, ni jambo la kutia moyo. Pongezi anazopata Rais Kikwete sasa anazistahili. Lakini sote tunajua kwamba Rais Kikwete amelazimika kuchukua hatua hizo, ingawa serikali ilikuwa inajua 'matatizo' ya Benki Kuu. Kama si Dk. Willibord Slaa (pichani) na wenzake kuibua hoja hiyo Bungeni na kushinikiza serikali ichukue hatua, uchunguzi usingefanyika, na hatua hii moja isingechukuliwa. Kwa sababu hiyo, wanaompongeza Rais Kikwete wasimsahau yule aliyemsukuma, Dk. Slaa.

Haya yote yameonyesha kuwa serikali na watu wake ilijua ukweli wa tuhuma alizotoa Dk. Slaa, ndiyo maana hata Jaji Mark Bomani akawaonya waliotishia kumshitaki mtoa tuhuma, ambao waliishia kutoa vitisho lakini hadi leo hawajakanyaga mahakamani. Na sasa tayari ametangaza kuwa ana siri nyingine kubwa za wizi wa vigogo. Ndiyo maana nasema, katika hili la JK kuchukua hatua, shujaa ni Dk. Slaa. Na tayari kuna dalili kwamba Ballali hatakubali kutolewa kafara na kufa peke yake.

Tetesi zinazovuma sasa, kutokana na usiri wa serikali juu ya suala la Ballali, ni kwamba ugonjwa wake ulisababishwa na sumu aliyolishwa kumkolimba, ili siri zao zisitobolewe! Lakini sasa inasemekana naye kaamua kufa na serikali.

Asanteni

Kwa unyenyekevu mkubwa, nawashukuru walionipendeza kwa tuzo hii ya Excellence in ICT Journalism katika Afrika. Siwajui, wanajijua. Nawashukuru na majaji walionipigia kura. Asanteni!

Wahariri wakatwa mapanga

Wapambanaji wenzetu wawili, Ndimara Tegambwage na Saed Kubenea, wanaochapisha gazeti la MwanaHalisi wamevamiwa ofisini na kukatwa mapanga Jumamosi 6, 2008 katika ofisi za gazeti hilo, Kinondoni, Dar es Salaam. Tayari hisia za wananchi zinawatuhumu baadhi ya mafisadi serikalini na wapambe wao, kwa kuandaa 'ujambazi huu.'

Kubenea ndiye Mhariri Mtendaji na mmiliki wa gazeti hilo, wakati Ndimara ni Mhariri Mshauri na 'mashine' ya kitaaluma ya gazeti hilo.

Gazeti hilo limekuwa na makala na habari kali mno dhidi ya wezi ndani ya serikali. Mara kadhaa Kubenea ameonywa na Ofisi ya Waziri Mkuu na Idara ya Habari (MAELEZO) kwa barua, simu na mdomo. Kuna wakati gazeti 'lilivamiwa' na watendaji wa serikali kwa kisingizio cha kukagua 'uwezo wa kitaaluma wa waandishi' wa gazeti hilo. Mara nyingine lilivamiwa na watu wa TRA, eti kutazama kama linaipa kodi.

Vile vile, ndilo hazeti lililowahi kumtuhumu kiongozi mmoja wa juu serikalini, ambaye lilimuita Bwana 'mvi' kwa kuwaagiza wahariri kadhaa rafiki zake waanze mkakati wa kuwaandama wakosoaji wa serikali.

Ikumbukwe kwamba ndilo gazeti pekee lililotaja majina ya mafisadi waliotajwa na Dk. Willibroad Slaa bila kificho, mbele ya umma, pale Mwembe Yanga, Dar es Salaam.

Tujadiliane

Mwaka 1991, aliyekuwa Rais wa Zambia, Kenneth Kaunda alishindwa na wapinzani katika uchaguzi mkuu, akawakabidhi madaraka bila ghasia. Mwaka 2000, aliyekuwa Rais wa Senegal Abdou Diouf alikabidhi madaraka kwa washindi na kuondoka Ikulu kwa amani. Mwaka 2002, aliyekuwa Rais wa Kenya, Daniel arap Moi, alimkabidhi Mwai Kibaki (pichani kushoto) uongozi, baada ya mteule wake aliyeandaliwa kuwa mrithi wake, Uhuru Kenyatta wa KANU, kushindwa na nguvu ya upinzani.

Mwai Kibaki aliyepishwa na Moi, ameshindwa kukubali matokeo baada ya miaka mitano tu ya kukaa Ikulu na kukataliwa na wapiga kura. Ghasia zimezuka, damu zimemwagika. Amejiunga na klabu ya marais wezi wa kura, kina Robert Mugabe na Amani Karume. Tanzania tunajifunza nini? Afrika yetu inaelekea wapi? Tufanye nini kuinusuru? Hawa wametoa maoni yao. Wewe una maoni gani? Tujadiliane.

Matokeo ya Uchaguzi Kenya

Fuatilia matokeo ya Uchaguzi Mkuu wa Kenya 2007 hapa. Inaeleka wenzetu wameamua kufanya 'mapinduzi ya awali ya uongozi.' Hadi sasa Raila Odinga wa ODM anaongoza; Mwai Kibaki wa PNU anafuata nyuma. Kalonzo Musyoka wa ODM-Kenya yuko mbali sana. Muujiza alioutarajia haujatokea! Umebaki kanisani! KANU kimeanza kupotea katika historia ya utawala wa Kenya. Endelea. Linganisha na hii pia.

Krismasi Njema

Napenda kuwatakia Krismasi Njema! Krismasi ni tukio lenye maana mbalimbali kwa watu mbalimbali. Kwa wengine ni 'kumbukumbu' ya kiroho ya kuzaliwa kwa Yesu Kristo zaidi ya miaka 2007 iliyopita. Kwa wengine ni tukio kubwa lililoigawa historia katika ngwe mbili - Kabla ya Kristo na Baada ya Kristo. Kwa wengine (hasa Ulaya Magharibi) ni wakati wa kumaliza mwaka, kujipongeza na kujiandaa kwa mwaka mwingine; ni kipindi cha manunuzi na matanuzi. Kwa wengine halina maana kabisa, lakini wanajikuta wakiungana na wenzao wanaosherehekea Krismasi. Kwa wote hao, nasema Heri ya Krismasi na Mwaka Mpya 2008.

CHADEMA na CCM: nani mwizi wa sera?

Vyama vya siasa vinaposhutumiana kwa kuibiana sera maana yake nini? Je, kati ya CHADEMA na CCM, ni kipi kimedhihirika 'kuiba' sera za mwenzake? Kuna mifano hai? Inaaminika? Tutafakari.

Tusiogope, Mapinduzi Yanawezekana

Nina hoja mbili. Kwanza, tuwe na rais wa kukaa mdarakani miaka mitano badala ya miaka kumi. Pili, tukubali kwamba maendeleo tunayotaka kuyafanya hayawezekani kama hatutakubali kuanza sasa kufanya mapinduzi. Wengine wana shaka, na wengine wanadhani haiwezekani. Lakini kama iliwezekana kwa Warumi, (mtazame Kaizari Julius pichani na utafakari yaliyomkuta) itashindikanaje kwa Watanzania? Na je, kushuka kwa umaarufu wa Kikwete kwaweza kuwa ishara mojawapo ya mwanzo mpya? Au ndiyo wanaanza kujifunza Afrika Kusini na Kenya, kujitambua na kugundua makosa?Tujadiliane.

Kuna ukweli gani katika hili?

Ujumbe huu unazunguka katika barua pepe za watu. Ulipofika kwangu nikaamua niuweke hapa tuujadili wazi wazi. Unasema hivi:

"Je tutafika? ...tuhuma zote za ufisadi zinazoikabili BoT, je unawajua walioajiriwa kusimamia uchumi wa nchi yetu na kutuletea mafanikio? Pokea taarifa ya wateule hawa. Ndani ya mtungi wa BoT walioqualify kuajiriwa kwa sifa na vigezo vinavyotambulika na BoT ni pamoja na hawa wafuatao:-

1. Pamella Lowassa,
2. Filbert Frederick Sumaye,
3. Zalia Kawawa,
4. Harieth Lumbanga,
5. Salama Ally Mwinyi,
6. Rachael Muganda,
7. Sylvia Omari Mahita,
8. Justina James Mungai,
9. Kenneth John Nchimbi,
10. Blassia Blassius William Mkapa,
11. Violeth Phillemon Luhanjo,
12. Liku Irene Katte Kamba,
13. Thomas Mongella,
14. Jabir Abdallah Kigoda etc.

Hapa nani atamwajibisha Dalali alas Balali? Je KAPUKU MWENDE(a.k.a KAYUMBA) ATAAJIRIWA KWELI HAPO? Hawa ni wale wenye uhusiano wa moja kwa moja na wazito wa nchi, wapo wengine ambao ni ndugu wa karibu au kabila moja na waheshimiwa. Ni vigumu kuamini kuwa hii ni bahati mbaya (mere coincidence). Mungu Ibariki Tanzania, Mungu Ibariki Afrika."

Mkaribisheni Peter Nyanje

Mkaribisheni Peter Nyanje, mhariri wa habari wa gazeti la Tanzania Daima katika ulimwengu wa blogu. Ameingia na kuahidi makubwa; na anatualika "tujadili hoja nzito." Tunaamini ataitumia blogu yake kuwaletea wasomaji kile wanachokikosa katika gazeti lake, yaani kile kilicho muhimu kinachobaki na kukosa nafasi katika habari za kawaida za kila siku. Blogu yake hii hapa. Mtembeleeni.

Kikwete mfa maji?

Usimshangae Rais Jakaya Kikwete. Huu ni mkakati wake. Wakati mawaziri wametoka mikoani majuzi kulaani kauli za wapinzani kwamba ni uzushi, yeye amesema wapinzani wasipuuzwe. Na baada ya kuona wananchi wanapuuza hoja za utetezi wa CCM na kukumbatia za wakosoaji kuhusu masuala ya madini, sasa rais anataka kuunda kamati ya madini itakayowashirikisha hata wakosoaji wake hao hao. Je, anataka kuwaziba mdomo wanaoikosoa serikali? Na tayari ameahidi kuwapa hela ya kutosha na ziara nje ya nchi kwa kazi hiyo. Ni hongo? Anataka kumaliza nguvu za upinzani kiujanja ujajanja? Au ndiko kutapatapa kwa mfa maji?

Taarifa hizi zinatisha

Sasa tumeanza kuelewa kwa nini serikali inajikanyaga kuhusu tuhuma za ufisadi zilizoibuliwa na wapinzani. Taarifa mpya mpya zinaonyesha jinsi Benki Kuu ya Tanzania (BoT) ilivyotumika kuibia pesa kwa ajili ya Uchaguzi Mkuu wa 2005 ili mgombea urais wa CCM ashinde kwa kishindo. Binafsi naamini kwamba, kwa mazingira yaliyokuwapo, mgombea wa CCM angeshinda hata bila ya kununua kura. Soma mjadala hapa.

Habari Corporation yafungua tovuti

Kampuni ya Habari Corporation, inayomilikiwa na Mbunge wa Igunga na Mhazini wa CCM, Rostam Azizi (pichani kushoto), imefungua tovuti ya magazeti yake. Magazeti hayo yaliyowahi kutamba kwa uchambuzi mahiri na makini katika miaka ya 90 na kabla ya Uchaguzi Mkuu wa mwaka 2005, yanapatikana hapa. Siku hizi inaitwa New Habari Corporation - yenye mmiliki mpya, sera mpya mikakati mipya na uongozi mpya.

Satan's benefit in our deeds

A man woke up early in order to have his morning
devotion (prayer) in the Lord’s house (church). He
got dressed, set on his way to the Lord’s house (church).
On his way to the church, the man fell and his clothes
got dirty. He got up, brushed himself off, and headed home.

At home, he changed his clothes, and was, again,
on his way to the Lord’s house. On his way to the
church, he fell again and at the same spot! He,
again, got up, brushed himself off and headed
home. At home he, once again, changed his
clothes and was on his way to the Lord’s house (church).

On his way to the house of God (church), he
met a man holding a lamp. He asked the man of
his identity and the man replied, "I saw you
fall twice on your way to the house of God (church),
so I brought a lamp so I can light your way.
The first man thanked him profusely and the two
were on their way to the house of God (church).
Once at the house of God (church), the first man
asked the man with the lamp to come in and
pray with him. The second man refused. The
first man asked him a couple more times and,
again, the answer was the same. The first man
asked him why he did not wish to come in and pray.

The man replied, "I am Satan". The man was shocked
at this reply. Satan went on to explain, "I saw you on
your way to the house of God (Church) and it was I
who made you fall. When you went home, cleaned
yourself and went back on your way to the house of God
(church), God forgave all of your sins. I made you fall
a second time, and even that did not encourage you to
stay home, but rather, you went back on your way to Church.
Because of that, God forgave all the sins of the people of
your household. I was afraid if I made you fall one more
time, then God will forgive the sins of the people of your village,
so I made sure that you reached the house of God (Church) safely.
" So do not let Satan benefit from his actions.

Do not put off the good you intended to do, as you never
know how much reward you might receive from the hardships
you encounter while trying to achieve that good. For your
righteousness can save your family and nation at large. Do
this and see the victory of the Lord.

Note: It was forwarded to me by a friend. I thought it might make a good reading for visitors of this blog. Stay blessed!

Huyu ni Mwalimu wangu

Mama huyu ni mmoja wa walimu wangu. Anaitwa Prof. Susan Miller. Cheo chake ni MBA Academic Director, katika Chuo Kikuu cha Hull. Mpiga picha alinikamata nikiwa nasisitiza jambo - ona mikono, utadhani nasali vile! Teh! teh! teh! Picha hii ilipigwa Alhamisi wiki hii mara baada ya mlo wa jioni ulioandaliwa na Hull University Business School kwa ajili ya wanafunzi wote wa MBA chuoni hapo. Uwongo mbaya, kazi anaiweza.

Kikwete anasaidiwa na Ze Comedy?

Kauli ya Rais Jakaya Kikwete kuhusu vigogo wanaotuhumiwa kwa ufisadi (akiwamo yeye) haina 'mashiko.' Ukichanganya kauli yake, ya Kingunge Ngombale-Mwiru, na ya Jaji Joseph Warioba, utaona kwamba hapa kuna kutapatapa kwingi. Nashangaa magazeti yameandika JK ajibu mapigo. Nimesoma kwa makini, lakini sikuona hata pigo moja alilojibu. Hata waliosema ametoa majibu mazito wamemkweza bila sababu. Sikuyaona. Kama waliomtangulia kutoa kauli, analenga lakini ameshindwa kuwachanganya wananchi. Lakini kwa kuwa yeye alipewa muda mrefu kusoma alama za nyakati, na kwa kuwa yeye ndiye mkuu wao, wananchi walitarajia kauli pevu zaidi kutoka kwake. Haijapatikana.

Nadhani wapinzani wamemjibu vema. Ametonesha vidonda. Na bado yataibuka mengine tu. Rais ameibua maswali magumu. Nami bado ninaye; namtafakari. Katika hili, siko peke yangu. Tazama mchambuzi mwingine alivyomfanyizia Kikwete. Sasa nasikia wasanii wa Ze Comedy wameanza kuigiza tuhuma za vigogo, huku wakiwatetea watuhumiwa na kumsakama Dk. Slaa. Niko mbali na nyumbani. Wanaojua walete habari kamili. Inawezekana CCM imeamua kuwekeza katika Ze Comedy kuwapumbaza Watanzania, kuwatetea mafisadi?

Warioba amekuwaje?

Sielewi Jaji Joseph Sinde Warioba amekuwaje. Kiongozi mstaafu, mwanasheria mstaafu na mtu aliyewahi kuongoza tume ya rushwa anaposema 'tuhuma hizi si mpya,' anataka kusema alitarajia kuona mpya zipi? Au alitaka hizi za zamani ziachwe tu? Simwelewi. Namshangaa pia anapoona kwamba kujadili rushwa ya wakubwa si muhimu kwa maendeleo ya nchi. Zaidi nipale anapopata shida kuelewa kwanini rais na rais mstaafu wanatuhumiwa. Nadhani angepaswa kuwashangaa wao na kujiuliza: "kwanini watuhumiwe? Kwanini wao na si wengine?" Badala yake, anawatetea kana kwamba anatoa 'hukumu kuwasafisha.' Bado simwelewi. Hivi hajui kwamba Tanzania itakuwapo bila yeye wala Jakaya Kikwete au Benjamin Mkapa?

Wonders of Mathematics

Bofya hapa uone maajabu ya HESABU - The Wonders of Mathematics. Nimetumiwa na rafiki yangu.

Kingunge ang'atuke

Pamoja na mambo mengine, natoa wito. Mheshimiwa Kingunge Ngombale-Mwiru ang'atuke. Badala ya kushauri vijana wake wajiheshimu n akutimiza wajibu wao, anafanya kazi ya mganga wa jadi kwenye masuala mazito! Naona Mpayukaji tayari ameniunga mkono.

Salva Rweyemamu ateuliwa mkurugenzi Ikulu

Salva Rweyemamu (pichani), aliyekuwa mkurugenzi wa Habari Corporation, ameteuliwa na Rais Jakaya Kikwete kuwa Mkurugenzi wa Kitengo cha Mawasiliano Ikulu. Anaziba nafasi iliyoachwa wazi na Balozi Peter Kallaghe aliyepelekwa Canada. Mwingine anayeonekana pichani kulia ni Dk. Gideon Shoo. Picha: Issa Michuzi

Dansi la Tanzania latesa majuu

The Ngoma Africa Band inayoongozwa na Ebrahima Makunja, a.k.a Ras Ebby Makunja "Bwana Kichwa Ngumu" imepata mashabiki wa kutisha jijini Frankfurt, Ujerumani. Msemakweli kaniandikia na kusema maelfu ya watu wa matabaka na mataifa mbalimbali jana usiku "walijikuta wanapelekwa mchaka mchaka na mlindimbo wa muziki huo Bongo Dance made in Tanzania... Nyimbo zao pia zinatesa katika redio mbalimbali Ulaya, Africa, Marekani na Canada...Unaweza kuwasikilza online hapa www.myspace.com/thengomaafrica"

Hawa ndio wala nchi?

Hili ndilo linaitwa sasa kundi la wala nchi. Gazeti la Serikali, Habari Leo Jumapili, tarehe 16. Septemba 2007, limemnukuu Katibu Mkuu wa Chama cha Demokrasia na Maendeleo (CHADEMA) Dk. Willibord Slaa, akiwataja 11 bora wanaodaiwa kushiriki katika ulaji na uuzaji nchi kwa namna moja au nyingine, kutokana na nyadhifa zao za kisiasa, kitaaluma au kwa sababu ya uwakala au ukaribu wao na wenye madaraka. Waliotajwa ni:

1. Rais Jakaya Kikwete

2. Rais Mstaafu Benjamin Mkapa

3. Waziri Mkuu Edward Lowassa

4. Waziri wa Nishati na Madini Nazir Karamagi

5. Waziri wa Miundombinu Andrew Chenge

6. Waziri wa Viwanda na Biashara Basil Mramba

7. Gavana wa Benki Kuu (BoT) Daudi Balali

8. Katibu Mkuu Wizara ya Fedha Gray Mgonja

9. Katibu Mkuu Wizara ya Maji Patrick Rutabanzibwa

10. Mbunge wa Musoma Vijijini Nimrod Mkono

11. Mbunge wa Igunga Rostam Aziz (pichani juu).

. Tuhuma zao kamili hizi hapa.

Je, unajua kuwa Mwalimu Nyerere alisema CCM sasa inatumia pesa za bangi kupata viongozi?

MAISHA: Enjoy the jokes

Someone sent me these 2 jokes, and I thought my readers would enjoy them.

A young man went to his father one day to tell him that he wanted to get married. His father was happy for him. He asked his son who the girl was and he told him that it was Samantha, a girl from the neighborhood. With a sad face, the old man said to his son, "I'm sorry to say this son but I have to, the girl you want to marry is your sister, but please don't tell your mother". The young man again brought 3 more names to his father but ended up frustrated because the response was still the same. So he decided to go to his mother. "Mama I want to get married but I can't marry any of the girls that I love because dad said they are my sisters and I must not tell you". His mother said to him with a smile, "Don't worry my son, you can marry any of those girls. You are not his son anyway, but please don't tell him".

The mathematics behind our life span.

God created the dog and said: "Sit all day by the door of your house and bark at anyone Who comes in or walks past. For this, I will give you a life Span of twenty years." The dog said: "That's a long time to be barking. Howabout only ten years and I'll give you back the otherten?" So God agreed.

God then created the monkey and said: "Entertain people, do tricks, and make them laugh. For this, I'llgive you a twenty-year life span."The monkey said: "Monkey tricks for twenty years?That's a pretty long time to perform. How aboutI give you back ten like the Dog did?" And God agreed.

God then created the cow and said: "You must go intothe field with the farmer all day long and suffer under the sun, have calves and give milk to support the farmer's family. For this, I will give you a lifespan of sixty years." The cow said: "That's kind of a tough life you wantme to live for sixty years. How about twenty and I'llgive back the other forty?" And God agreed again.

God created man and said: "Eat, sleep, play, marry and enjoy your life. For this, I'll give you twenty years." But man said: "Only twenty years? Could you possibly give me my twenty,the forty the cow gave back, the ten the monkey gave back, and the ten the dog gaveback; that makes eighty, okay?" "Okay," said God, "You asked for it."

So that is why for our first twenty years we eat,sleep, play and enjoy ourselves. For the next forty years we slave in the sun to support our family. For the next ten years we do monkey tricks to entertain the grandchildren. And for the last ten years we sit on the front porchand bark at everyone. Life has now been explained to you.

Pole Mheshimiwa Mudhihir

Mbunge wa Mchinga (CCM), Mudhihir Mohammed Mudhihir akipokewa kwenye Uwanja wa Ndege wa Kimataifa wa Julius Nyerere Dar es Salaam, Ijumaa septemba 14. 2007, akitokea Lindi alikopata ajali ya gari. Kulia ni Mkuu wa Mkoa wa Lindi, Saidi Mecky Sadick. Picha kutoka Daily News.

Ajali haina kinga. Yaliyompata Mudhihir yanaweza kumpata mtu yeyote. Zaidi ya hayo yanawapa abiria wengi katika ajali za barabarani na angani kila siku. La msingi, tumshukuru Mungu kwamba Mudhihir yuko hai. Tumpe pole na kumwombea apone haraka.

Hapa ilikuwa zamu yangu

Huyo aliyeketi kwenye kiti ni Profesa Guy Berger, mkuu wa kitivo cha uandishi wa habari katika Chuo Kikuu cha Rhodes. Ndiye alikuwa mwenyekiti wa mdahalo wetu. Ukutani ni picha kutoka kwenye Power Point presentation niliyokuwa natoa mimi. Huyo aliyesimama mbele kulia, ndiye mimi.

NETucation walinihoji kidogo na kutoa stori yao kwa Youtube.

Baadaye, AllAfrica walitoa stori yangu iliyoandikwa na Rebecca Wanjiku wa Kenya. BIZCOMMUNITY.com nao wakaitumia kwa headline tofauti.

David Musoke wa Uganda hakubaki nyuma. Sarah Bel wa APC alipendezwa na hoja yangu kuhusu haja ya kupeleka intaneti vijijini. Hii ndiyo stori yake. Mail&Guardian waliandika stori hii na kukosea jina langu.

Wajumbe wakitoka ukumbini baada ya kutusikiliza tukitoa mada zetu. Alianza Ndesanjo Macha, akafuatia Daudi Were, baadaye mimi. Tazama ratiba.

Mwanablogu mpya wa kike Mtanzania

Furaha Thonya, mwandishi wa kike wa kujitegemea wa magazeti ya ThisDay na Kulikoni, amejiunga na jamii ya wanablogu. Msome hapa. Pichani ni Ndesanjo Macha, Ansbert Ngurumo, Furaha Thonya na Philemon Msangi (Bob Sankofa) Jumapili 9. Septemba 2007, nje ya ukumbi wa mikutano.

Mtazame Ndesanjo akitoa mhadhara

Hii ilikuwa tarehe 9.9.2007 katika Ukumbi wa Barrat, Chuo Kikuu cha Rhodes, Afrika Kusini. Ndesanjo Macha (pichani kushoto) alikuwa anatoa hotuba ya ufunguzi wa mdahalo kuhusu kublogu katika kongamano lijulikanalo kama Digital Citizen Indaba, lililofanyika kwa siku moja kama sehemu ya kongamano mama la Highway Africa, 10-12, Septemba 2007. Kongamano hili hujadili matumizi ya ubunifu katika vyombo vya kisasa vya habari. Hii ilikuwa mara ya 11 kwa kongamano hilo.

Wameandika hivi juu yetu

Tukiwa Grahamstown, tulitumia vema fursa tuliyopata kuzungumza na Waafrika wenzetu katika midahalo,. mijadala na kongamano. Mara ya kwanza ilikuwa katika Digital Citizen Indaba, Jumapili asubuhi, ambapo mimi, Ndesanjo na mwandishi wa Kenya Daudi Were tulijadili mada ya fractured identities. Mimi nilizama katika kueleza umuhimu wa kublogu wa Kiswahili. Baadaye Mpiga Bob Sankofa alitoa mhadhara kwa nini anablogu kwa kutumia picha. Tumetoa ujumbe. Umefika. Baadhi ya waandishi waliokuwapo wameandika hivi juu yetu. Mwingine huyu hapa. Pia usikose stori hii. Kumbe hata wapiga picha hupendeza wakipigwa picha. Muone BOB SANKOFA akihojiwa na mapaparazi kama yeye. Pichani, kutoka kushoto ni Daudi Were kutoka Kenya, mimi na Ndesanjo Macha wakati wa maswali na majibu. Huyu hapa ni Mwandishi kutoka Zambia, Brenda Zulu, anatutwanga swali. Tazama na picha hii ya Nokia. Hapa Ndesanjo alikamatwa vizuri akisisitiza jambo.

Hii nayo kali

Zamani Shirika letu la Ndege (Air Tanzania Corporation), kwa sababu ya kutokuwa na huduma inayoaminika, liitaniwa na wabongo, likaitwa Any Time Cancellation (ATC). Wanigeria nao sasa wameibuka na mpya kuhusu 'TANESCO' yao. Kwa sababu ya mgawo wa umeme na matatizo yasiyoisha, mamlaka yao ya umeme iitwayo Nigerian Electric Power Authority (NEPA), imekuwa ikitaniwa na kuitwa Never Expect Power Always (NEPA).

Ili kukabiliana na tatizo la umeme, serikali imeifanyia mabadiliko ya kimfumo, kiutawala na kiuendeshaji, ikaundwa kampuni iitwayo Power Holding Company of Nigeria (PHCN). Matatizo ya mgawo yamebaki pale pale, na sasa wanaiita Problem Has Changed Name (PHCN).

Kutoka Grahamstown

Jamaa alinikamata vizuri na kamera yake nilipokuwa nawasilisha mada yangu. Leo Septemba 10. 2007 imekuwa siku ya michakariko. mimi, Ndesanjo na Bob Sankofa tumekuwa tunawasilisha mihadhara yetu kwa wasikilizaji waliokuwa katika Digital Citizen Indaba. Tumejumuika na waandishi wengi kutoka sehemu mbalimbali za Afrika. Hotuba ya ufunguzi wa mjadala wa leo katika Indaba imetolewa na Ndesanjo. Pata sehemu ya mhadhara wa Macha hapa. Nitawaletea taarifa nyingine baadaye. Zoopy wameweka hapa sehemu ya kilichotokea.

Nimekutana na Ndesanjo

Tayari nimefika Grahamsatown, alasiri Jumamosi Septemba 9, 2007. Nimekutana na Ndesanjo Macha kwa mara ya kwanza, ana kwa ana. Muda wote tulikuwa tunafahamiana kupitia blogu na magazeti. Baadaye jioni tutakuwa kwenye hafla ya ufunguzi wa Digital Citizen Indaba kama nilivyoeleza hapo chini.

Naenda Bondeni

Wiki hii nitakuwa Bondeni kushiriki mkutano wa Highway Africa na wanahabari wengine kutoka pande mbali za Afrika na kwingineko duniani. Mojawapo ya majukumu yangu huko ni kuzungumzia uandishi mpya wa kijamii katika mkusanyiko ujulikanao kama Digital Citizen Indaba siku moja kabla ya mkutano wenyewe, ambako pia nitashiriki kujadili mada ya kublogu, nikiwa pia na gwiji wa kublogu, mwanablogu nambari wani wa Kiswahili, Ndesanjo Macha na wadu wengine. Msiwe mbali na blogu.

Asante Lowassa, heko Nyamongo

HII ndiyo nukuu yangu kuu kutoka kwa Waziri Mkuu Edward Lowassa.

Makamanda wanyeshewa mvua Geita

Mvua haikuwazuia kufanya walichodhamiria. Hii ni sehemu ya umati wa waliohudhuria mkutano wa wapinzani Geita Mjini, Septemba 2).Anayehutubia ni Mwenyekiti wa Chama cha demokrasia na Maendeleo (CHADEMA), Freeman Mbowe.

(Picha kwa hisani ya Joseph Senga).

Ndimara Tegambwage afungua blogu

Mwandishi mkongwe wa vitabu na magazeti; mchambuzi mahiri na mjenzi makini wa hoja kali; mmoja wa waasisi wa mageuzi ya vyama vingi nchini; mbunge mstaafu wa Muleba Kaskazini; Ndimara Tegambwage, anayeandika safu ya SITAKI (na hii hapa mpya) katika gazeti la Tanzania Daima Jumapili, ameingia katika ulimwengu wa blogu. Jina lenyewe la blogu ni dalili tosha kwamba kishindo chake kitakuwa kikubwa.

Wanablogu wengi ninaowajua ni vijana. Wazee wengi wa rika la Ndimara wamekuwa waoga wa teknolojia. Lakini Ndimara hazeeki. Hata katika dotikomu naye yumo. Na kwa wanaomfahamu, Ndimara ni kijana kuliko vijana wengi tulionao, waliozeeka kabla ya wakati wao. Msome hapa.

Mbowe, Zitto watua Mwanza

Wamo katika helikopta hii inayokaribia kutua katika uwanja wa Mirongo, Mwanza, wakiwa na viongozi wengine wa upinzani wanaoandamana nao. Umati wa wananchi, unaishuhudia inavyotua kabla ya mkutano kuanza. (Picha zote kwa hisani ya Joseph Senga)

Mresha katika Chopa ya Mbowe

Mheshimiwa Mrema ameshuka kwenye Chopa, ilipotua katika uwanja wa Mirongo, Mwanza.

Mrema naye atema tete

Mzee wa Kiraracha naye alikuwapo. Hapa anawapa shule wakazi wa Mwanza walioketi chini kumsikiliza.

People's Power

Mbowe 'akiwachochea' wananchi kutumia nguvu ya umma kuishikiza serikali adabu.

Hekalu la Manji?

Bwana ee! Tazama nyumba hii. Lakini Waswahili wanasema imevuka viwango vya kuitwa nyumba. Hili ni Hekalu. Na hizi hapa chini ni sehemu chache za hekalu hilo. La nani? Aliyetuma hizi ni la Yusuf Manji - yule mfadhili wa Klabu ya Yanga; "mgomvi" wa Regi Mengi (na sasa hivi Waislamu kuhusu kiwanja); mfadhili wa Chama Cha Mapinduzi (CCM); lakini mmoja wa wasomaji wa blogu hii anasema si kweli bali ni nyumba ya Rais Pervaiz Musharaf, mtu aniyejipenda kweli kweli, mchezaji hodari wa Badminton, Jenerali wa Pakistani. Iwe ya yeyote yule, inapendeza na kuvutia. Tazama!

Endelea

Sema mwenyewe

Quite Spacious

Hapa je?

Safi

Chunga, chini panateleza

mh

Mh!

Tuizunguke meza hii

Zungumza, ukichoka pumzika kidogo

Unataka kuogelea?

Labda haya ndiyo Maisha Bora. Tumuulize Kipanya hapo chini!

Maisha Bora

Nimeipenda katuni hii ya Maosud 'Kipanya.' Wewe je?

Zitto apikiwa kashfa mpya

Habari zilizotapakaa ni kwamba wanamtandao, wakiongozwa na kinara wao, Rostam Azizi, wanapika kashfa mpya dhidi ya Zitto Kabwe (pichani kulia). Eti walitengeneza ya Amina Chifupa ikawalipukia na kuua mtu. Hawakuridhika. Wamejarbu kumdhalilisha Bungeni, akaibuka mshindi. Wananchi wanamshangilia, CCM wakazomewa. Sasa wamesikia Zitto na viongozi wa CHADEMA wanaanza kuzunguka mikoa 10 kuishitaki serikali kwa umma, wanamtandao wanakula njama mpya kwa kutumia baadhi ya vyombo vya habari 'kupika' kashfa mpya. Nia yao ni kupunguza imani ya wananchi na mvuto wa Zitto. Wamekiri, lakini inawauma, kwamba kwa sasa, Zitto amemfunika JK kwa mvuto.

Je, wahariri watakubaliana na mbinu za kina Rostam Azizi? Je, wananchi watamtosa Zitto? Kumkumbatia nani? Je, serikali itabadili sera zake kuhusu madini au itaendelea tu kuhangaika na namna ya kumsakama Zitto?

Uchumi ukue, bei zipande hivi?

Waziri Mkuu, Edward Lowassa, anasema uchumi unakua. Lakini wataalamu wanasema bei za bidhaa zinapanda kila siku. Ni ukuaji gani huu wa uchumi? Habari hii imeandikwa na gazeti la serikali, Daily News Agosti 21.08.2007. Soma mwenyewe uone hali ilivyo.

Inflation nears double digits

Overall inflation rate jumped to nine per cent in July, from 5.9 per cent in June, a trend which the National Bureau of Statistics (NBS) attributed to increased food and non-food prices.

“The July 2007 inflation rate has gone up by 3.1 percentage points compared to the June figure,” the Bureau said in a statement made available yesterday. “Some prices for both food and non-food items had gone up,” it added.

Analysts feared the impact of price hikes on the economy, with inflation, a key indicator for consumer comfort and investor confidence, nearly hitting the double digit mark, the highest in more than five years.

The government had for the last three years, targeted to push inflation to a manageable below 4.0 per cent, which could now prove to be quite an uphill task. Before, inflation had nearly dragged the economy to its knees with almost record over 30 per cent rate.

Planning, Economy and Empowerment Minister Professor Juma Ngasongwa told parliament in June that in 2006, average inflation was 7.3 per cent, compared to 5.0 per cent in 2005. In March, this year, inflation was recorded at 7.2 per cent.

The minister attributed the upswing in inflation to increased commodity prices, especially food and petroleum products which also led to high costs of transport and generation of thermal electricity.

The minister expressed optimism on declining inflation after some parts of the country started harvesting food crops, saying in April 2007, the inflation rate had declined to 6.1 percent, from 7.2 per cent registered in March 2007.

NBS said in the statement yesterday that hiked food prices were wheat flour, bread, spaghetti, potatoes and meat. Prices of bananas, fish, cooking oils, beans, cowpeas, sugar and meals in restaurants had also gone up.

It said non-food items that had increased prices were instant coffee, rent, kerosene, electric cookers, sewing machines, kerosene stoves, laundry soap (bar and powdered), scrubbing brush, broom head, tooth brush and hair creams.

Prices that have also gone up include those of car batteries, diesel, petrol, bus fares and private secondary school fees.

However, it noted that prices of clothing, footwear, watches and cell phones had gone down.

Daily News Reporter
Daily News; Tuesday,August 21, 2007 @00:02

Picha nyingine za Zitto na waandamanaji

Bonyeza hapa uone picha na usome mjadala mwingine mpana.

Habari Leo waua stori ya Zitto Kabwe

Magazeti ya serikali, Sunday News and Habari Leo Jumapili, 'yalikataa' kuandika habari za maandamano na mkutano wa Mbunge wa Kigoma Kaskazini, Zitto Kabwe, uliofanyika Dar es Salaam Agosti 18 kulaani hatua dhalimu ya Bunge dhidi ya mbunge huyo. AIBU!

Waandishi wao waliyashuhudia maandamano, mkutanoni walikuwepo, lakini walishindwa kutekeleza wajibu wao wa kitaaluma. UZALENDO uko wapi? Kama wanawadharau hao waliokusanyika kumsikiliza Kabwe, wanamwandikia nani?

Hata hivyo, mpiga picha wao aliweza kumshawishi mhariri wake kutumia walau picha inayoonyesha sehemu tu ya umati uliokusanyika Jangwani kumsikiliza Kabwe. Tazama mwenyewe.

Karamagi anasafiri na mihuri yetu?

KAMA Waziri wa Nishati na Madini, Nazir Karamagi, anaweza kusaini mkataba wa madini nje ya nchi, London, Uingereza, wakati yuko ziarani na Rais Jakaya Kikwete, ina maana anasafiri na mihuri yetu? Pata uchambuzi wa swali hili HAPA, na toa maoni yako chini.

Kishindo cha Zitto Kabwe

Dar es Salaam inazizima. Mbunge wa Kigoma Kaskazini, Zitto Kabwe, amegeuka shujaa wa mwaka. Habari kutoka Dar zinasema amekuwa gumzo kila kona, wala mvua nzito haikuweza kuwazuia wananchi kuandamana na kusukuma gari lake kutoka Ubungo hadi viwanja vya Jangwani, Jumamosi, Agosti 18, 2007, alikohutubia mkutano mkubwa na kusema Waziri wa Nishati na Madini, Nazir Karamagi, alisaini mkataba katika Hoteli ya Churchill, London, Uingereza.

Watawala wameduwaa. Bomu walilompasulia Zitto kumdhalilisha limewalipukia wenyewe! Hiki ndicho kishindo kinachozungumzwa. Anasema "tusikumbatie walioshiba" Ipate pia kwa kimombo Hoja kamili na mjadala wake Bungeni HII HAPA. Baadaye, wawekezaji wenyewe, Barrick walijitokeza kutoa maelezo HAYA, lakini Zitto akayachambua pia maelezo hayo na kubainisha uhusiano wa karibu sana kati ya waziri na wawekezaji, huku wakitoa maelezo yanayojikanganya zaidi.

Nauliza Kujibiwa

Mpendwa msomaji, nakamilisha mada yangu katika mazungumzo nitakayoshiriki kwenye kongamano la Highway Africa litakalofanyika Septemba 10-12, 2007, Rhodes University, Afrika Kusini. Nimefikiri kwamba ni vema kupata na kutumia mawazo ya wanablogu wenzangu na wasomaji wa blogu hii katika maswali kadhaa ninayojiuliza. Naomba ushiriki wako kwa kujibu maswali yafuatayo kwa kadiri unavyoona inafaa. Nakuhakikishia kwamba nitakapohitaji kutumia mawazo yako mahali popote, nitakunuu bila kuongeza chumvi. Asante. ANSBERT NGURUMO.

1. Kama wewe ni mwanablogu, kwa nini unablogu? Kama si mwanablogu, kwanini unasoma blogu?

2. Je, ni vema wanablogu (na wachangiaji wa maoni) watumie majina yao halisi? Faida na hasara zake ni nini?

3. Je, matumizi makubwa ya blogu yanamaanisha enzi za vyombo vya habari vya kale (redio, magazeti na TV) vimepitwa na wakati?

4. Je, wanablogu wanawajibika kwa nani?

CCM inaandaa mapinduzi?

MAISHA magumu, kauli na uamuzi tata wa viongozi, mwafaka usiofikika? Vinatupeleka katika mapinduzi mengine? Hilo ndilo swali lwa wiki hii. Soma hapa.